كريم گول اندام (اورمولو شاعير) شهامت-له دانيشيقدا: گنج لريميز، فايداسيز تعصب لاردان اوزاق قالماليديرلار
یازار yazar :حسین واحدى
تاریخ:1390.10.3-09:15
شعر يئته نه گينيزي (استعدادينيزي)، نه زاماندان بيليبسينيز؟ داها دوغروسو نه زاماندان شعر دئمه يي باشلاييب سينيز؟
دئمك اولار 1341ـ ده اورتا تحصيلاتيمين بيرينجي صينيفينده يواش-ياواش بو حس منده اويانيردي. البته بونون اويانيشي دئيه بيلرم او ايلدن چوخ اوندان اؤنجه يه قاييدير، آنامين لايلالارينا، ناغيل لاري ايله، شعرلري ايله، آتامين قوشمالاري، گرايليلاري، آشيق ادبياتي و من ياديمدادير قيش دا، يايدا بيزيم قونشولوغوموزدا 3 قارداش وارييدي هفته ده بير-ايكي گون كور اوغلو داستانين نوبه-نوبه اوخويارديلار. بعضن ده بعضي نغمه لريني آهنگ ايله سسلنديررديلر. منيمده موسيقي يه علاقم چوخويدو، آمما آتامين ايمكاني چاتماغينا گؤره من موسيقي آلتي آلانماييب و موسيقي كيلاسلارينا قاتيلا بيلمه ديم و بو حسرت منده هميشه اولوب دور. بولار هاميسي منيم شعر اويانيشيما معين قدر يارديم ائديب دير. او زامان منيم جوادي اقدم آديندا بير معلليميم وارييدي و هميشه منيم آرخاما چاليب دئيردي بو شاعير اولاجاق دير و بوندا بو يئته نك ( استعداد) واردير و منه مشوق اولوبدور. اورتا تحصيلات واختي من بوتون كيلاسيك شاعيرلرين شعرلريني اوخوموشدوم و دئمك اولار عروضو تام اولاراق بيليرديم و 6-نجي اورتا تحصيلات صينيفينده عروضو درس وئريرديم و عروض-دا (كيلاسيك شعرده) هر كيمين يانليشي (خطاسي) اولسا اونو بيليب دئيرم. شعر مندن هئچ واخت ال چكمه ييب.
ايندي نه ايشله مشغولسونوز؟
من حوقوقو قورتاراندان سونرا، چوخ سئويرديم اؤيرتمن (معلم) اولام، آمما قبول اولونماديغيما گؤره بانك-دا چاليشماغي باشلاديم. اوندان سونرا ايندي يه كيمي اكينچيليك و باغدارليق ايله مشغولام.
شعر لرينيزدن دئيين، ان چوخ سئوديگينيز شعر هانسي دير؟
من بير- ايكي ايل بوندان اؤنجه يه كيمي شعرلريمي كاغيذ اوزه ريندن اوخويارديم. سونرالار عزيز دوست لاريمدان بيري اولان حميد واحدي منله دانيشيق دا دئيردي: (هامييا دئيردي) شعرلرينيزي حفظ ائدين و اونون حفظ ائتمه يينه واخت آييرين. بو منه بير مثبت جهت اولدو و من بوتون شعرلريمي ازبرله ديم. مني چوخ ماراقلانديران و چوخ سئوديگيم شعرلريمدن فلسفي باخيملي شعرلريم و ليريك (سئوگي جه/عاشقانه) شعرلريم دير. ليريك شعرلريم مني گنج لشديرمه سي و حس لريمين يئني اولدوق لاري اوچون دور. سئوگي-محبتي يالاندان اوزده ساخلاماق اولماز. بير اينساني سئومه ين هئچ جمعيتيني سئوه بيلمز، وطنين سئوه بيلمز، تانري سين سئوه بيلمز و بوتون وارليق لارين سئوه بيلمز. بيريني سئويرسن (بير اينسان كيمي)، بوتون وارليق لارينيدا سئوه جكسن. منيم اوره ييم –دونيا گؤروشو جهتيندن- بوتون اينسانلارين اوزونه آچيق دير و من بوتون كائناتي سئويرم، آمما بونلارين ايچينده سئچيمه ال قويسام دئيه بيلرم:
دوزدور من دونيا وطن داشييام،
آمما اورتا دوغولويام،
ايرانلييام،
ايراندا آذربايجانلييام،
آذربايجان دا اورمو شهرينين اؤولادييام،
اورمودا، اؤز ائويمه باغلييام.
بئله جه بؤلوك دن، بوتونلويه (جزء دان، كل-ا) و ترسينه قاييديريق. اينسانلار بوتون كائناتي اورك لرينين بؤيوكلوگونه گؤره سئويرلر.
شعرلرينيزدن كيمدن ايلهام آليبسينيز؟ نه تور (نوع) شعري سئويرسيز؟
من 1354 ايلينده بؤيوك شاعيريميز، صابر-ين هوپ-هوپ نامه سيني گؤرندن سونرا، توركجه شعر دئمه يه باشلاميشام. اوندان اؤنجه فارسجا شعر يازارديم. بيزيم بؤيوك خوشبخت چيليگيميز ايكي ديللي شاعير اولدوغوموزدور و ايكي ديلده ده موفق اولموشوق. بيزدن اؤنجه كي شاعيرلريميزده اوچ ديلده شعر دئييب لر، نمونه اولاراق فضولي و نسيمي و... آد آپارماق اولار.
25 ايل بوندان اؤنجه ناظيم حيكمتين شعرلرين تانيياندان بري، حس ائلمه ميشم دونيادا توركجه شعر دئين شاعيرلرين ايچينده دونيادا تكجه ناظيم حيكمت، پابلو نئرودا كيمي دونيادا سس لنيب و آدلانيب دير. او بوتون سينيرلري (مرز لري) سينديريبدير. بئله جه من ناظيم حيكمت دن ده تاثير آلميشام. اونون يانيندا خليل ريضا-دان، ايسه ايلهام آلميشام.
منيم شعرلريمين چوخو آزاد فورم دا اولوب دور. من باغلي و قافيه لي شعرلر دئمه يي چوخ خوشلاميرام. شعر نه قدر آخارلي، ساده اولسا او قدر سئويملي‌اولاجاق.
دئيرلر، شاعيرلر شعرلرينين ان يوكسك و باشاريلي سيني عاشيق اولان واخت، سؤيله يرلر، سيز نجور، نئجه و نه زامان عاشيق اولوبسونوز؟
نجومي باخيمدان من قويروق دوغان (تير) آييندانام و دئيرلر بو آيين دوغولانلاري، چوخ دويغوسال (احساسلي)، چكينمز (رُك) و حيس لري گوجلو اولار. بوندان يوخسا اوشاقليق دا بئشيكده ائشيتديگيم لاي-لاي لار و آنامدان ائشيتديغيم ناغيللار و شعرلر منده بؤيودوكجه بو سئوگي ني منده ياراديبلار. بئشيك دئديگيميز بو انلام دؤرد دنه تخته دئييل، اونون لاي-لاي لاري چوخ اؤنمليدير. ايندي آنالار لاي-لاي يئرينه هر نوع جينقيل-جينقيل سسلري چيخاردان اويونجاق لارلا اوشاقلاري ياتيرديب، مشغول ائديرلر! من اورتا تحصيلاتي اوخوياندا بير قيزي سئوديم، آمما اونا يئتيشه بيلمه ديم و بونلار ال-اله وئريب منده عشق يارانيب و قالارگي ليريك شعرلر دئميشم، هله ده منيم ان بؤيوك ياراتديغيم شعرلريمين چوخو ليريك شعرلريمدير.
ايندي يه كيمي نئچه كيتاب چاپا يئتيريب سيز؟
بو زامانا كيمي بير كيتابيم 1358-ينجي ايلده، مجوزسيز اولاراق چاپا گئديب دير و منيم اؤزومده ده يوخدور. ايكينجي كيتابيم باكي دا يازديغيم شعرلريم، »سوزوم وار سنه دونيا« آدلي دير و 1376-دا چاپدان چيخيب. او زامان آذربايجان ادبياتيندا چوخ آز كيتاب يازيليب چاپا گئتميشدي و شوكور آللاها ايندي بو قونودا چوخلو كيتاب لار واردير. تأسفله بو كيتابي حاضير ائتميشم آمما ساتماق چتين ليك لري ندني ايله چوخو ساتيشا گئتمه ييب. يعني اؤزوم ساتماغينا چاليشماميشام و منجه بو ايش كيتاب ساتانين و كيتابي يايانين ايشيدير.
اينترنت ده ايسه شعرلرينيزي ديلداشلاريميزلا پايلاشديرسينيزمي؟
بلي من شعرلريمي اينترنت ده »وطن قوخوسو« آديندا بير وبلاگدا يازيرام و شعر سئونلر اونا باش چكيب اوخويا بيلرلر.
شاعيرلرين هنرينين، چتينليك>لري نه لر اولا بيلر؟
بيزيم چتينليگيميز، سسيميزين چاتيلمامازليغيدير. منه تريبون لازيم دير. سسيمي كوتله مه (جماعته) يئتيرم. تلويزيون، راديو، مطبوعات و... واسطه سي ايله شاعيرلر تانيماليديرلار و اوركدن چيخان سؤزلري هامييا چاتماليدير. اينسانين قدري ساغ اولان واخت بيلينمه ليدير و اؤلندن سونرا دَيَر وئرمك فايداسيزدير.
سيزجه شاعير كيم دير؟
منجه شاعير، ايلهام اولونماميش پئيغمبردير. شاعير وظيفه داشييير. برشت دئيير: آخيرت ده شاعيرلرين آغير سورغو-سوال لاري وار. اونلاردان جماعاتينيزين آراسيندا، ياشاديغينيز زاماندا نه يي گؤردونوز؟
شاعير وار تكجه باخير و منجه شاعير باخماماليدير، چون هامي باخير، شاعير گؤرمه ليدير، باخان چوخدور، گؤرن آزدير. ييخان چوخدور، هؤرن آزدير. شاعير گؤره بيله نه كيمي باخماليدير. شاعير گؤرمه سه شاعير دئييل.
بيزيم ادبياتيميزين اوبيري ادبيات لار ايله باغليلاشيق (متقابل) تاثيرين نئجه گؤرورسونوز؟
بيزه زمينه يارانماييب و تانينماميشيق و ادبياتيميزين، دونيا ادبياتينا باغليلاشيق تاثيري اولا بيلمز. ائله شاعيريميز وار قيرخ ايلدير شاعيردير آمما چوخلاري اونو تانيمير. ادبياتيميزين، دونيا ادبياتيندا باغليلاشيق تأثيريني اؤلچمه ك اولماز. اؤلچمك اولسادا آذربايجان جومهوريتينده يازيلان اثرلري دئيه بيله ريك. اودا شعر فورماسيندا يوخ بلكي، نثر فورماسيندا چيخير. شاعير شعر يازاندا ائله شعر يازماليدير، باشقا ديله چئويريلنده اوندان بير قاليق، ايز، بويا قالسين. شعر، اؤزوندن بير ايز و يئر قالسين دئمك دير. بيزه ايمكان يارانماليدير و سسيميز و ادبياتيميز دونيايا تانيتديريلماليدير.
اؤزونوزو نقد و تعريف ائتسز نه دئيه بيلرسينيز؟
من بير ايشي بوش بيراخان بيري يم، مثلا بئش كيتاب دا چاپ ائده بيلرديم، دوزدو ائتمه ميشم، آمما ويجداناً راضي يام. بونون يانيندا دئييرم، من كيتاب چيخاتسامدا، كيتاب ساتماقدا چتينليك وار و يئنه ده فايداسيز اولاجاق ايدي. من پولا دَيَر وئرمه ميشم، اونا گؤره قاچماميشام، اونون ساتيشينين داليسيجا، يوخسا ايسته سيديم هاميسن اؤزوم ساتارديم.
من، تعريف ائتسم بوجور دئيه بيلرم، من حدديندن آرتيق حقيقت دئين آدامام، دار باشيندا اولسامدا، من حقيقت جارچي سييام. نقد ائدنم و بيريني ييخماغا چاليشماييرام.
گنج لريميزه، گنج يازيچي و شاعيرلريميزه تاپشيريغينيز نه اولا بيلر؟
اساس تاپشيريغيمي بئله دئمه لييم: »دولماسا، داشماز« اؤنجه كئچميشين يازيلارين و شعرلرين اوخوسونلار. توركجه ميزي دوزگون اؤيرنسينلر و سونرا يازماغا باشلاسينلار. ديل دانيشماق معناسيندا دئييل و ديل مكتوب اولماليدير و هامي مشترك يازي ايله يازماليدير و هر كس اؤزونه بير فورمادا يازماماليدير. اول دولماق سونرا داشماق. گنج لريميز، فايداسيز تعصب لاردان اوزاق قالماليديرلار. هئچ كيمسه يه توخونماييب، گؤزلجه يازيلار و شعرلر يازماق اولار. سؤزويون اؤز آنا ديلينده سليس و آخار ياز و ديليميزي ياشات و كيمسه يه توخونوب و يا بوش شعارلار وئرمه. شاعير و يازيچي، يول گئتمه يين باجارماليدير و ائله يازا نه بيرينه توخونا و نه ده سؤزو اوره گينده قالا و اينشاللاه كيتاب ائولريميزده باشقا كيتابلارين يانيندا دَيَرلي كيتاب لار گؤرونسون.
سون سؤزونوز؟
سيزه اوغورلار اولسون و نشريه نيزده فايدالي يازيلار گؤرك. توركجه ميزين گئنيشلنمه سينه چاليشاسينيز و هميشه تعهد ايله يازاسيز و هئچ بير باسقي آلتيندا حقيقتي يازماقدان چكينمه ييب، گيزلتمه يه سينيز.
حقيقتين عطرينيي،
يايماقدان چكينسنده،
گيزلتمه يه چاليشما!
آيدين لار، آيدين سؤيلر آرخاداش،
ائولري داغ كيمي اوچوب، چؤرك لري سو كيمين كسيلسه ده!
چوخ ساغ اولون و اينشاللاه ديرلي نشريه اولاجاقسيز و توركجه ميزي تميز يازماق ايله ديليميزه ياخشي قوللوق ائده سيز.
دئمك اولار 1341ـ ده اورتا تحصيلاتيمين بيرينجي صينيفينده يواش-ياواش بو حس منده اويانيردي. البته بونون اويانيشي دئيه بيلرم او ايلدن چوخ اوندان اؤنجه يه قاييدير، آنامين لايلالارينا، ناغيل لاري ايله، شعرلري ايله، آتامين قوشمالاري، گرايليلاري، آشيق ادبياتي و من ياديمدادير قيش دا، يايدا بيزيم قونشولوغوموزدا 3 قارداش وارييدي هفته ده بير-ايكي گون كور اوغلو داستانين نوبه-نوبه اوخويارديلار. بعضن ده بعضي نغمه لريني آهنگ ايله سسلنديررديلر. منيمده موسيقي يه علاقم چوخويدو، آمما آتامين ايمكاني چاتماغينا گؤره من موسيقي آلتي آلانماييب و موسيقي كيلاسلارينا قاتيلا بيلمه ديم و بو حسرت منده هميشه اولوب دور. بولار هاميسي منيم شعر اويانيشيما معين قدر يارديم ائديب دير. او زامان منيم جوادي اقدم آديندا بير معلليميم وارييدي و هميشه منيم آرخاما چاليب دئيردي بو شاعير اولاجاق دير و بوندا بو يئته نك ( استعداد) واردير و منه مشوق اولوبدور. اورتا تحصيلات واختي من بوتون كيلاسيك شاعيرلرين شعرلريني اوخوموشدوم و دئمك اولار عروضو تام اولاراق بيليرديم و 6-نجي اورتا تحصيلات صينيفينده عروضو درس وئريرديم و عروض-دا (كيلاسيك شعرده) هر كيمين يانليشي (خطاسي) اولسا اونو بيليب دئيرم. شعر مندن هئچ واخت ال چكمه ييب.
ايندي نه ايشله مشغولسونوز؟
من حوقوقو قورتاراندان سونرا، چوخ سئويرديم اؤيرتمن (معلم) اولام، آمما قبول اولونماديغيما گؤره بانك-دا چاليشماغي باشلاديم. اوندان سونرا ايندي يه كيمي اكينچيليك و باغدارليق ايله مشغولام.
شعر لرينيزدن دئيين، ان چوخ سئوديگينيز شعر هانسي دير؟
من بير- ايكي ايل بوندان اؤنجه يه كيمي شعرلريمي كاغيذ اوزه ريندن اوخويارديم. سونرالار عزيز دوست لاريمدان بيري اولان حميد واحدي منله دانيشيق دا دئيردي: (هامييا دئيردي) شعرلرينيزي حفظ ائدين و اونون حفظ ائتمه يينه واخت آييرين. بو منه بير مثبت جهت اولدو و من بوتون شعرلريمي ازبرله ديم. مني چوخ ماراقلانديران و چوخ سئوديگيم شعرلريمدن فلسفي باخيملي شعرلريم و ليريك (سئوگي جه/عاشقانه) شعرلريم دير. ليريك شعرلريم مني گنج لشديرمه سي و حس لريمين يئني اولدوق لاري اوچون دور. سئوگي-محبتي يالاندان اوزده ساخلاماق اولماز. بير اينساني سئومه ين هئچ جمعيتيني سئوه بيلمز، وطنين سئوه بيلمز، تانري سين سئوه بيلمز و بوتون وارليق لارين سئوه بيلمز. بيريني سئويرسن (بير اينسان كيمي)، بوتون وارليق لارينيدا سئوه جكسن. منيم اوره ييم –دونيا گؤروشو جهتيندن- بوتون اينسانلارين اوزونه آچيق دير و من بوتون كائناتي سئويرم، آمما بونلارين ايچينده سئچيمه ال قويسام دئيه بيلرم:
دوزدور من دونيا وطن داشييام،
آمما اورتا دوغولويام،
ايرانلييام،
ايراندا آذربايجانلييام،
آذربايجان دا اورمو شهرينين اؤولادييام،
اورمودا، اؤز ائويمه باغلييام.
بئله جه بؤلوك دن، بوتونلويه (جزء دان، كل-ا) و ترسينه قاييديريق. اينسانلار بوتون كائناتي اورك لرينين بؤيوكلوگونه گؤره سئويرلر.
شعرلرينيزدن كيمدن ايلهام آليبسينيز؟ نه تور (نوع) شعري سئويرسيز؟
من 1354 ايلينده بؤيوك شاعيريميز، صابر-ين هوپ-هوپ نامه سيني گؤرندن سونرا، توركجه شعر دئمه يه باشلاميشام. اوندان اؤنجه فارسجا شعر يازارديم. بيزيم بؤيوك خوشبخت چيليگيميز ايكي ديللي شاعير اولدوغوموزدور و ايكي ديلده ده موفق اولموشوق. بيزدن اؤنجه كي شاعيرلريميزده اوچ ديلده شعر دئييب لر، نمونه اولاراق فضولي و نسيمي و... آد آپارماق اولار.
25 ايل بوندان اؤنجه ناظيم حيكمتين شعرلرين تانيياندان بري، حس ائلمه ميشم دونيادا توركجه شعر دئين شاعيرلرين ايچينده دونيادا تكجه ناظيم حيكمت، پابلو نئرودا كيمي دونيادا سس لنيب و آدلانيب دير. او بوتون سينيرلري (مرز لري) سينديريبدير. بئله جه من ناظيم حيكمت دن ده تاثير آلميشام. اونون يانيندا خليل ريضا-دان، ايسه ايلهام آلميشام.
منيم شعرلريمين چوخو آزاد فورم دا اولوب دور. من باغلي و قافيه لي شعرلر دئمه يي چوخ خوشلاميرام. شعر نه قدر آخارلي، ساده اولسا او قدر سئويملي‌اولاجاق.
دئيرلر، شاعيرلر شعرلرينين ان يوكسك و باشاريلي سيني عاشيق اولان واخت، سؤيله يرلر، سيز نجور، نئجه و نه زامان عاشيق اولوبسونوز؟
نجومي باخيمدان من قويروق دوغان (تير) آييندانام و دئيرلر بو آيين دوغولانلاري، چوخ دويغوسال (احساسلي)، چكينمز (رُك) و حيس لري گوجلو اولار. بوندان يوخسا اوشاقليق دا بئشيكده ائشيتديگيم لاي-لاي لار و آنامدان ائشيتديغيم ناغيللار و شعرلر منده بؤيودوكجه بو سئوگي ني منده ياراديبلار. بئشيك دئديگيميز بو انلام دؤرد دنه تخته دئييل، اونون لاي-لاي لاري چوخ اؤنمليدير. ايندي آنالار لاي-لاي يئرينه هر نوع جينقيل-جينقيل سسلري چيخاردان اويونجاق لارلا اوشاقلاري ياتيرديب، مشغول ائديرلر! من اورتا تحصيلاتي اوخوياندا بير قيزي سئوديم، آمما اونا يئتيشه بيلمه ديم و بونلار ال-اله وئريب منده عشق يارانيب و قالارگي ليريك شعرلر دئميشم، هله ده منيم ان بؤيوك ياراتديغيم شعرلريمين چوخو ليريك شعرلريمدير.
ايندي يه كيمي نئچه كيتاب چاپا يئتيريب سيز؟
بو زامانا كيمي بير كيتابيم 1358-ينجي ايلده، مجوزسيز اولاراق چاپا گئديب دير و منيم اؤزومده ده يوخدور. ايكينجي كيتابيم باكي دا يازديغيم شعرلريم، »سوزوم وار سنه دونيا« آدلي دير و 1376-دا چاپدان چيخيب. او زامان آذربايجان ادبياتيندا چوخ آز كيتاب يازيليب چاپا گئتميشدي و شوكور آللاها ايندي بو قونودا چوخلو كيتاب لار واردير. تأسفله بو كيتابي حاضير ائتميشم آمما ساتماق چتين ليك لري ندني ايله چوخو ساتيشا گئتمه ييب. يعني اؤزوم ساتماغينا چاليشماميشام و منجه بو ايش كيتاب ساتانين و كيتابي يايانين ايشيدير.
اينترنت ده ايسه شعرلرينيزي ديلداشلاريميزلا پايلاشديرسينيزمي؟
بلي من شعرلريمي اينترنت ده »وطن قوخوسو« آديندا بير وبلاگدا يازيرام و شعر سئونلر اونا باش چكيب اوخويا بيلرلر.
شاعيرلرين هنرينين، چتينليك>لري نه لر اولا بيلر؟
بيزيم چتينليگيميز، سسيميزين چاتيلمامازليغيدير. منه تريبون لازيم دير. سسيمي كوتله مه (جماعته) يئتيرم. تلويزيون، راديو، مطبوعات و... واسطه سي ايله شاعيرلر تانيماليديرلار و اوركدن چيخان سؤزلري هامييا چاتماليدير. اينسانين قدري ساغ اولان واخت بيلينمه ليدير و اؤلندن سونرا دَيَر وئرمك فايداسيزدير.
سيزجه شاعير كيم دير؟
منجه شاعير، ايلهام اولونماميش پئيغمبردير. شاعير وظيفه داشييير. برشت دئيير: آخيرت ده شاعيرلرين آغير سورغو-سوال لاري وار. اونلاردان جماعاتينيزين آراسيندا، ياشاديغينيز زاماندا نه يي گؤردونوز؟
شاعير وار تكجه باخير و منجه شاعير باخماماليدير، چون هامي باخير، شاعير گؤرمه ليدير، باخان چوخدور، گؤرن آزدير. ييخان چوخدور، هؤرن آزدير. شاعير گؤره بيله نه كيمي باخماليدير. شاعير گؤرمه سه شاعير دئييل.
بيزيم ادبياتيميزين اوبيري ادبيات لار ايله باغليلاشيق (متقابل) تاثيرين نئجه گؤرورسونوز؟
بيزه زمينه يارانماييب و تانينماميشيق و ادبياتيميزين، دونيا ادبياتينا باغليلاشيق تاثيري اولا بيلمز. ائله شاعيريميز وار قيرخ ايلدير شاعيردير آمما چوخلاري اونو تانيمير. ادبياتيميزين، دونيا ادبياتيندا باغليلاشيق تأثيريني اؤلچمه ك اولماز. اؤلچمك اولسادا آذربايجان جومهوريتينده يازيلان اثرلري دئيه بيله ريك. اودا شعر فورماسيندا يوخ بلكي، نثر فورماسيندا چيخير. شاعير شعر يازاندا ائله شعر يازماليدير، باشقا ديله چئويريلنده اوندان بير قاليق، ايز، بويا قالسين. شعر، اؤزوندن بير ايز و يئر قالسين دئمك دير. بيزه ايمكان يارانماليدير و سسيميز و ادبياتيميز دونيايا تانيتديريلماليدير.
اؤزونوزو نقد و تعريف ائتسز نه دئيه بيلرسينيز؟
من بير ايشي بوش بيراخان بيري يم، مثلا بئش كيتاب دا چاپ ائده بيلرديم، دوزدو ائتمه ميشم، آمما ويجداناً راضي يام. بونون يانيندا دئييرم، من كيتاب چيخاتسامدا، كيتاب ساتماقدا چتينليك وار و يئنه ده فايداسيز اولاجاق ايدي. من پولا دَيَر وئرمه ميشم، اونا گؤره قاچماميشام، اونون ساتيشينين داليسيجا، يوخسا ايسته سيديم هاميسن اؤزوم ساتارديم.
من، تعريف ائتسم بوجور دئيه بيلرم، من حدديندن آرتيق حقيقت دئين آدامام، دار باشيندا اولسامدا، من حقيقت جارچي سييام. نقد ائدنم و بيريني ييخماغا چاليشماييرام.
گنج لريميزه، گنج يازيچي و شاعيرلريميزه تاپشيريغينيز نه اولا بيلر؟
اساس تاپشيريغيمي بئله دئمه لييم: »دولماسا، داشماز« اؤنجه كئچميشين يازيلارين و شعرلرين اوخوسونلار. توركجه ميزي دوزگون اؤيرنسينلر و سونرا يازماغا باشلاسينلار. ديل دانيشماق معناسيندا دئييل و ديل مكتوب اولماليدير و هامي مشترك يازي ايله يازماليدير و هر كس اؤزونه بير فورمادا يازماماليدير. اول دولماق سونرا داشماق. گنج لريميز، فايداسيز تعصب لاردان اوزاق قالماليديرلار. هئچ كيمسه يه توخونماييب، گؤزلجه يازيلار و شعرلر يازماق اولار. سؤزويون اؤز آنا ديلينده سليس و آخار ياز و ديليميزي ياشات و كيمسه يه توخونوب و يا بوش شعارلار وئرمه. شاعير و يازيچي، يول گئتمه يين باجارماليدير و ائله يازا نه بيرينه توخونا و نه ده سؤزو اوره گينده قالا و اينشاللاه كيتاب ائولريميزده باشقا كيتابلارين يانيندا دَيَرلي كيتاب لار گؤرونسون.
سون سؤزونوز؟
سيزه اوغورلار اولسون و نشريه نيزده فايدالي يازيلار گؤرك. توركجه ميزين گئنيشلنمه سينه چاليشاسينيز و هميشه تعهد ايله يازاسيز و هئچ بير باسقي آلتيندا حقيقتي يازماقدان چكينمه ييب، گيزلتمه يه سينيز.
حقيقتين عطرينيي،
يايماقدان چكينسنده،
گيزلتمه يه چاليشما!
آيدين لار، آيدين سؤيلر آرخاداش،
ائولري داغ كيمي اوچوب، چؤرك لري سو كيمين كسيلسه ده!
چوخ ساغ اولون و اينشاللاه ديرلي نشريه اولاجاقسيز و توركجه ميزي تميز يازماق ايله ديليميزه ياخشي قوللوق ائده سيز.
یازی تورو :
دانيشيق
آچار سؤزجوک‌لر:
گول
باخیش لار(0)
[cb:post_like]
