كريم گول اندام (اورمولو شاعير) شهامت-له دانيشيقدا: گنج لريميز، فايداسيز تعصب لاردان اوزاق قالماليديرلار
كريم گول اندام (اورمولو شاعير) شهامت-له دانيشيقدا:
گنج لريميز، فايداسيز تعصب لاردان اوزاق قالماليديرلار
دانيشيغي آپاران: حسين واحدي
لوتفن اؤزونوزو بيزيم عزيز اوخوجولاريميزا تانيتديرين.
من گول اندام كريم، علي اوغلو، 1326-دا اورمو شهرينده آنادان اولموشام. اورمو شهري دئينده منه چوخ اؤنمليسي اونون سسلنمه سيدير. بير دؤوره رضائيه اولوب، سونرا اروميه، آمما نهايتده اورميه دوزدو. اور سؤزوندن اورفا (توركيه ده)، اور (عيراق دا)، اوردوباد (آذربايجان جومهوريتينده)، اوروق (قازاقيستاندا)، اورومچي (چين ده) و اورميه (ايراندا). تاريخ ده بورا اورميه اولوبدور و «واو» حرفين دييشمكله تاريخي ايتيريريك. منده بو اوزدن اورمو-دا دوغولموشام.
اورتا مدرسه ني اورميه ده بيتيرميشم. عالي تحصيلاتي تئهرانين حوقوق فاكولته سينده قورتارميشام. بانكدا چاليشماغا باشلاييب، 10 ايلدن سونرا يئنيدن آلينما (باز خريد) اولموشام. بير موددتده آذربايجان جومهوريتينه كؤچوب نئچه ايل ياشاياندان سونرا، يئنيدن اورمويا قاييتميشام. من اورادا تحقيقات و ادبيات ايله مشغول اولموشام. اقتصادي چتينليك لره گؤره ده دوكتورا تئزيمي ساتميشام.
روحوم، ووجودومومون بوتون ذره لري، وطن سئوگيسي ايله، اؤز يوردوم، ديليمه و خالقيما و اؤز بؤيوك وطنيم ايرانا دولودور.
آشيق دهقان: آشيق سس سيز لرين سسيدير
آشيق دهقان فرقلي بير اينسان
آشيق دهقان:
آشيق سس سيز لرين سسيدير
شهامت نشريه سينين ياييلماسينين ايلك گونوندن آذربايجان آشيق صنعتينه ده ير وئرمك و بو يولدا جاندان- اوركدن امك چكنلري يوخلاماق و ائليميزه تانيتديرماق بيزيم اصلي وظيفه لريميزدن اولوب دور. بو يولون اوزوناسيندا بو ساييميزدا آذربايجانين مهم و بؤيوك آشيق لاريندان بيري اولان آشيق «محمد حسين دهقان» ايله دانيشيق آپارميشيق. آشيق دهقاني تانيتديرماق لازيم دئييل و ائليميزين هاميسي بو قوجاماق كيشينين اؤزو و سسي ايله تانيشدير. آشيق دهقان صميميت له بيزيم دانيشماغيميزي قبول ائديب و قيسادا اولمالي اولسا اورك سؤزلريني سيز عزيزلريميزله پايلاشيب دير.
آشيق دهقان، كسينليك له آذربايجانيميزين قالارگي وارليق لاريندان بيريدير. آشيق دهقان، بوتون ميللي و اولوسلار آراسي فئستيواللاردا ايشتيراك ائديب و آذربايجان موسيقيسيني دونيايا تانيتديرماغا اليندن گلني اسيرگه مه ييب دير. آشيق لاتين آمريكا، فرانسه، آلمان، سوئد، آذربايجان جومهوريتي، توركيه و ... اؤلكه لرينده مختلف موسابيقه لرده و فئستيواللاردا قاتيلماقلا اونلارجا قيزيل بويون باغي و لؤوحه لر قازانيب دير. خاطيرلاتماليييك آشيق كئچن ايللرده موسيقي دوكتوراسين آليب دير.
دانيشيغين قالاني يازينين آرديندا
آذربايجانين ادبي توپلومونا آجي خبر: «يحيي شيدا» ، تانرييا قاووشدو
يحيي شيدا تانري رحتينه گئتدي
| |
|||||
|
| |||||
اوستاد شيدا 1303-نجو گونش ايلينده تبريزين چرنداب محلله سينده دونيايا گؤز آچدي. آتاسي حسن يوزباشي چرندابي مشروطه ايله چرندابين مجاهدلريندن ساييليردي.
او 1327-نجي ايلدن مطبوعات ايله امكداشليغين باشلادي و بيرينجي آدديمدا «آذر مرد» نشريه سينده باش يازار اولدو.
او بير مدت تبريزين طالبيه اوخولوندا تحصيل ائتدي و توركجه، فارسجا، آلمانجا و عربجه ديللري ايله تانيش ايدي.
اوستادين نئچه اثرلرييندن، در زواياي تاريخ "نثر"، "تلواسه ها"، قصايد، غزليات، پسرخان (رمان)، درياي متلاطم، جنايات زن يا شاهكارهاي طبيعت (در زواياي ادبيات)، ادبيات اوجاغي در 3 قابيقدا، اودلار وطني، اودلو سؤزلر، اون جزوه، ميرزا علي معجزين "ياپيلماميش" شعر لري و بي ريانين اوره ك سوزلري-ندن آد آپارماق اولار.
تانري بو بؤيوك اينسانيميزا رحمت ائتسين و اينشاللاه يولو داواملي اولسون.
قارانقوش وبلاگي بو آجي خبري تورك و فارس ادبياتينا علاقه سي اولانلارا باش ساغليغي دئيير.
