دوْستوم و كتاب!
یازار yazar :حسین واحدى
تاریخ:1391.9.4-05:37
دوْستوم و كتاب!
مرحوم حميد آرش آزاد
احوالي اوْلور خراب
چون‌كي بو بئچارانين
يادينا دوشور كباب!
***
دوْستوم، ماشينا ميندي
كتاب ائوينده يئندي
يئددي ساعت آختاريب
تاپدي بير «فالِ هندي»!
***
دوْستوم‌دا وار چوْخ هُنر
ياخشي كتاب بگه‌نر
دئيه‌ر: «كاش موْبول كيمي
بوندادا اوْلا فنر»!
***
دوْستوم عالّمه بنزه‌ر
گئديب، بازاري گزه‌ر
جيلدي گؤيچه‌ك كتاب‌لار
آليب، دئكورا دوزه‌ر!
***
دوْستوم باش اگمه‌ز پولا
دئيه‌ر «كتاب چوْخ اوْلا»
آنجاق صفحه‌سين آچماز
قوْرخار رنگي پوْزولا!
***
دوْستومون وار اوْيونو
سئوه‌رم حال- خويونو
ايسته‌سه كتاب آلسين
اؤلچه‌جك ان- بوْيونو!
***
دوْستوم، قهرمان دوْستوم!
سؤزومو اينان، دوستوم!
بو كتاب‌لار اوْلانماز
فاطي يا تومان، دوْستوم
قايناق: اهراب نيوز
یازی تورو :
شعر
آچار سؤزجوک‌لر:
کتاب
باخیش لار(1)
[cb:post_like]
