بيرينجى دفعه آذربايجان‌توركجه‌سينده/ تريز
بيرينجى دفعه آذربايجان‌توركجه‌سينده
تريز(TRIZ) نه‌دير؟
ياراديجي موشكول آچما نظريه‌سي
حاضيرلايان: حسين واحدي
تريز، روسجا، "ياراديجي موشكول آچما نظريه‌سي" معناسيني وئرن،"Teoriya Resheniya Izobretatelskikh Zadatch" سؤزلري‌نين باش حرف‌لرين‌دن مئيدانا گليب.
تريز ياناشماسي[روش]، اينگيليسجه "Theory of the Solution of Inventive Problems" و يا توركجه "ياراديجي چتينليك آچما نظريه‌سي" اولاراق تعيين اولونور.
آيريجا ادبياتدا اينگيليسجه "Theory of Inventive Problems Solving " سؤزلري‌نين باش حرف‌لرين‌دن عبارت اولان TIPS"" قيسالتماسي دا ايستيفاده ائديلير.
تريز تاريخچه‌سي
بو اصول، 1946-جي ايلده سووئت‌لر بيرليگي پاتئنت[حق ثبت اختراع] اداره‌سينده چاليشماقدا اولان "گئنريچ ساولوويج آلتشوللئر" [Saulovich Genrich Altshuller] و ايش‌يولداشلاري طرفين‌دن، دونيا اوزرينده وار اولان تخمينن 2.000.000 پاتئنتين [حق ثبت اختراع] آراشديريلماسي و اورتاق خصوصيت‌لرينه گؤره سيرالاما[طبقه‌بندي] ايله اينكيشاف[توسعه] ائتديريلميش‌دير.
تريز؛ تصادفي فيكير توپلانماسي اوزرينه قورولموش بئيين فيرتيناسي[طوفان مغزي] كيمي تئكنيكا‌لارين عكسينه؛ قديمي سيستئم‌لرين ياخشيلاشديريلماسي يادا يئني سيستئم‌لرين حاضرلانماسي اوچون آلقوريتميك[الگوريتمي] ياناشما‌لاري ايستيفاده ائدير. بونا گؤره تخمين‌لرين چوخو، الده‌كي معلومات‌لارين قيمتلنديريلمه‌سينه اساس‌لانير.تريز نظريه‌سي
ياراديجي‌ليق سويه‌سي
پاتئنت‌لري[حق ثبت اختراع] آراشديران، آلتشوللئرين تاپينتي‌لاري باشليجا بو شكيلده‌دير:
• حقيقتاً ياراديجي[خلاق] پاتئنت، پاتئنت صاحبي ضديت‌لري اورتا‌دان قالديران و يا آيري بير فرصتي فدا ائتمه‌يه سبب اولمايان بير حل تكليفي اينكيشاف[توسعه] ائتديرميش‌دير.
• اختراع حاققي قيد ائدن، صاحب‌لري‌نين قارشيلاشديغي چتينليك‌لرين 90%-ي مختليف تئكنيكي ساحه‌لرده، يالنيز 40 تمل[اساس] ياراديجي پرينسيپ[اصل]دن بيري ايستيفاده ائديلير.
• تحقيق اولونان 2.000.000 'ون اوستونده‌دكي پاتئنتده، يالنيز 40.000 ي چتينليك‌لره راديكال[كؤكلو] و ياراديجي بير حل گتيرميش‌دير؛ ديگرلري يالنيز محصول و يا سيستئم پارامئترلرينه ائديلن كيچيك ياخشيلاشديرماغا عبارت‌دير.
تئكنيكي سيستئم اينكيشاف مرحله‌سي
تئكنولوژي سيستئم تكامولو، سيستئم قوصورسوزلوق[بي نقصي] سويه‌سينه اينكيشافي و س[سايره]. بو مرحله‌ده محصولون حيات سئيري اوزرينده دايانيلير. بون‌لار:
دوغوش: بير محصولا احتياج اولماسي ايله باشلار.
بؤيومه[رشد]: سرعتله اينكيشاف ائدن رقابته اويغونلاشما[هماهنگي] تأمين ائديلمه‌يه چاليشيرلار. ساتيش‌لاردا سرعت‌لي بير آرتيم، بازار پاييندا سرعت‌لي بير بؤيومه قئيد اولونور.
اؤدمه[پرداخت]: بازار بؤيومه سرعتي‌نين ائنيشه كئچديگي بو دؤورده اهميت‌لي اولان مالا باغلي خدمتلردير.
ائنيش[افت سرمايه]: يئنيليك احتياجي‌نين اولدوغو بير مرحله‌دير. محصول يوخ‌دور، اولاركن آرتيق يئني بير محصولون دوغوش مرحله‌سي باشلايير.
اوستونلوك
بير مهندس‌ليك سيستئمي اوستونلوك[برتري] سويه‌سي‌نين آرتيريلماسي ايله اينكيشاف ائتديريلير. سيستئم قوصورسوزلوغو بير سيستئمي مئيدانا گتيرن حيصه‌لرين فايدا‌لي تأثيرلري‌نين (F)، ضررلي تأثيرلرينه (Z) نسبتي ايله حساب‌لانير.
اوستونلوك سويه‌سي
فايدا‌لي تأثير سيستئم ايشينه قيمت‌لي قاتقي‌لار[سهم‌لر] تأمين ائدن تأثيرلرين جمعيني، ضررلي تأثيرلر ايسه، سيستئم خرجي، آلان[فضا]، انرژي استهلاكي، ضررلي توللانتي‌لاري[زباله‌هاي خطرناك] كيمي تأثيرلري داخيل‌دير.
بو مئيلين[گرايش‌ين] ليميتي[محدود ائتمه‌سي] آلينديغيندا، ايده‌آل سون نتيجه (IFR) قضيه‌سي الده ائديلير. قضيه‌نين سونسوزا چاتديغي يئرده، اورتادا اولمايان بير ماشينين، بوتون تابع‌لريني يئرينه يئتيرمه‌سي وضعيتينه چاتديرير.
ميثال: اتومبيل وچئوره چيرك‌لي‌ليگي[آلودگي محيط‌زيست]. ماشين فايدا‌لي بير شئي‌دير، اطراف چيرك‌لي‌ليگي ايسه ضررلي. اتومبيل‌دن استفاده ائتمك آرتيريلاركن اطراف موحيطه اولان ضرري ده آزالديلما‌لي‌دير.
ميثال: ساغلامليق[بهداشت] بؤلومونده‌كي اوستونلوك[برتري] ايسه[نيز] دونيا اوزرينده هئچ بير خسته‌خانانين قالماماسي‌دير، چونكي كيمسه خسته اولماياجاغين‌دان خسته‌خانايا احتياج ده اولمايا‌جاق.
تريز آراجلاري
تريز آراجلاري[ابزارهاي تريز] 40 تمل[اساس] ياراديجي[خلاق] اوصول‌دان تشكيل تاپير.
اصل 1. كسمك، بؤلمك، پارچالاماق
* اشيانين بير- بيرين‌دن مستقل پارچا‌لارا آيريلماسي:
* آنا دام بيلگي‌سايارلاري[كامپيوترهاي سقف اصلي] شخصي بيلگي‌سايارلارلا دييشديريلمه‌سي
* تريلر يوك ماشيني و قوشقو[يدك] ايله دييشديريلمه‌سي
* اشياني آسانجا آيريلان حالا گتيريلمه‌سي:
* مودوليار مبل‌لار [مبلمان مدولار][مبلمان تغييرپذير]
* سو تأسيساتيندا آيريلابيلر اويناق يئرلري ايستيفاده ائديلمه‌سي
* پارچا[قطعه] و يا بؤلوم سايي‌نين آرتيريلماسي
* بوتون پرده يئرينه ژالوزي[كركره‌لي پرده] ايستيفاده ائديلمه‌سي
اصل 2. چيخارما[استخراج]، آييرما[جداسازي]
* اشياداكي موشكول چيخاران پارچانين آيريلماسي يا دا فقط ياخشي پارچانين اشيادا ساخلانيلماسي
* سيخيشتيريلميش هاوا[هواي فشرده] ايستيفاده ائديلن بير بينادا كومپرئسسور بينا خاريجينه چيخاريلماسي
* ايستي‌ليك يايان ايشيق قايناق‌لاري يئرينه، يالنيز ايشيق وئرن ايشيق بورولاري يا دا، ليف اوپتيكلرين[فيبر نوري لرين] ايستيفاده ائديلمه‌سي
* ايت بسله‌مك يئرينه اوغرو آلارمي[آژير دزدگير] اولاراق هورن ايت سسي‌نين ايستيفاده ائديلمه‌سي
اصل 3. لوكال كيفيت[كيفيت محلي] [يئرلي نئجه‌ليك]
* منتظم اشيا دييشه بيلر حالا گتيريلمه‌سي يا دا منتظم بير خاريجي تأثيرين دييشه بيلر حالا گتيريلمه‌سي
* سيجاقليق[دما]، باسينج[فشار] يا دا سيخليق[تراكم] ثابت‌لري يئرينه دييشه بيلر اؤلچوتون[معيارين] (اييلمه) ايستيفاده ائديلمه‌سي
* اشيانين هر پارچاسي‌نين ايستيفاده شكيل‌لرينه گؤره آيري-آيري حاضيرلانماسي
* يئمك چانتا‌لاريندا ايستي-سويوق يئمك‌لر و ايچكي مخزن‌لري‌نين آيري-آيري حاضيرلانماسي
* اشيانين هر پارچاسيني فرق‌لي و فايدا‌لي مقصدلر اوچون حاضيرلاماق
* سيلگي‌لي قلم [قلم پاك‌كن دار]
* ميسمار[ميخ] سؤكوجولو[چيخاردان] چكيج[چكش]
* چوخ ايش‌له‌ولي تورناويدا‌لار [پيچ‌گوشتي‌هاي چندمنظوره]
اصل 4. آسيممئتريا [عدم تقارن]
* اشيانين شكلي‌نين سيممئتريك[متقارن] حال‌دان آسيممئتريك[نامتقارن] وضعيته گتيريلمه‌سي
* آسيممئتريك قاريشديرما قابلاري (و يا سيممئتريك قاب‌لارداكي آسيممئتريك كسمه پروانه‌لري)
* قايچي‌نين توتما يئري‌نين سيممئتريك حال‌دان آسيممئتريك حالا گتيريلمه‌سي
* اشيانين آسيمئتري‌ليك[نامتقارن] درجه‌سي‌نين آرتيريلماسي
* رنگ‌لرين بيرلشديريلمه‌سي اوچون آستيگمات اوپتيكلئرين ايستيفاده ائديلمه‌سي
اصل 5. عمومي‌ليك[شمول]، بيرلشديرمه[تركيب]
• پارالئل[موازي] ايشلرين ائديلمه‌سي اوچون عيني و يا اوخشار اشيانين و يا اشيا پارچا‌لاري‌نين عمومي‌ليك ائتمه‌سي يا دا بيرلشديريلمه‌سي
او شبكه ايچينده بيرلشديريلميش[متصل] شخصي بيلگي‌سايارلار
او پارالئل ايشله‌مجي[پردازنده] بير بيلگي‌سايار ايچينده مين‌لرله ميكروايشله‌مجي[ريزپردازنده]
• بيتيشيك[مجاور] يا دا پارالئل[موازي] شكيلده عمليات‌لاري تنظيملمه، عمليات‌لاري بير آرايا گتيرمه
او طبي اؤلچو[اندازه‌گيري] جيهازلاريندا[دستگاههاي] قان تئستي‌له عيني آندا فرق‌لي بير چوخ اؤلچو ائديلمه‌سي
او ايستور[كور] و پانژورلاردا[پرده‌لرده] سلاتسى[كركره‌ني] بير-بيرلرينه باغلانماسي
اصل 6. عمومي‌ليك[عموميت]
• اشيانين يا دا اشيانين بير پارچاسي‌نين ديگر پارچا‌لارين فونكسيالاريني[تابع] ائده‌رك اونلارا اولان احتياجي آرا‌دان قالديرماسي
او ديش پاستاسي ائهتيوا ديش فيرچاسي‌نين ايستيفاده ائديلمه‌سي
او اتومبيل‌لرده‌كي اوشاق كرئسلوسونون اوشاق اتومبيلي اولاراق دا ايستيفاده ائديلمه‌سي
او تيم ليدئري‌نين هم زامان توتوب، هم ده قئيد[يادداشت] توتماسي
اصل 7. بير-بيري‌نين ايچينه گيره‌بيلمه (ايچ ايچه كئچه)
• اشيالارين بير-بيري‌نين ايچينه قويولماسي
او روس اويونجاق اويونجاقلاري (ماتروشكا نوع‌لري)
او اؤلچوم قاب و قاشيق‌لاري
او ديز اوستو بيلگي‌سايار فاره‌سي‌نين ايچينه USB علاقه‌سي‌نين يئرلئشتيره‌بيلمه‌سي
او بيري‌نين ايچينه كئچن تاوا سئت‌لري
• اشيانين بير پارچاسي‌نين ديگر بير پارچانين اويوغونون[حفره] ايچينه گيره بيلمه‌سي
او راديو آنتئن‌لري
او تقديمات چوبوغو[ بير جوره لئيزرلي قلم]
او ياخينلاشديرما لينزا‌لاري[مرجيك‌لري] [لنزهاي زوم كننده]
او امنيت كمرلرينده‌كي گئري[دالي] چكمك مئكانيزم‌لري
او اوچاق[هواپيما] گؤوده‌سينه[بدنه‌سينه] گيره بيلن ائنيش[فرود] تيم‌لري
اصل8. آغيرليغيني آزالتما، چكي بالانسي[حفظ تعادل وزن]
• اشيانين قالديريلا بيلمه‌سي اوچون آغيرليغي چتينليك[مشكل] ياراتماياجاق باشقا پارچا‌لارلا بيرلشديريلمه‌سي
او كؤتوك[چوب] ييغين‌لاري‌نين سو اوزرينده راحت حركت ائده بيلمه‌سي اوچون كؤپوك توزلاري علاوه ائتمه‌سي
او تبليغات پانولاري‌نين[بيلبوردلاري‌نين] ثابت دايانماسي اوچون هئليوم بالون‌لاري‌نين ايستيفاده ائديلمه‌سي
• اشيانين اطراف ايله علاقه‌سي‌نين آرتيريلماسي اوچون آغيرليغي چتينليك ياراتماياجاق باشقا پارچا‌لارلا بيرلشديريلمه‌سي
او اوچاق[هواپيما] قانادلاري‌نين اوستون‌ده‌كي هاوانين سيخليغيني آرتيرا‌راق و قاناد آلتين‌داكي هاوانين سيخليغيني[شدتي] آزالدا‌راق قالخيشي آسانلاشديريلماسي (عيني زاماندا 4. ماده‌دكي آسيممئتريا[عدم تقارن] اوچون ده بير نومونه(
او اوچاق قانادلاري‌نين هاوالانماسي اوچون فيرتينا[طوفان] باند‌لاري‌نين ايستيفاده ائديلمه‌سي
او گمي قورويا چيخاريلاركن يئره سورتمه‌سيني اؤنلمك[جلوگيري كردن] اوچون گمي كيزاك‌لاري‌نين[سورتمه دن] ايستيفاده ائديلمه‌سي
اصل 9. باشلانغيجدا[شروع] حركت‌سيزليك (ائيله‌م‌سيزليك) [انفعال]
• ضررلي يا دا فايدا‌لي تأثيرلري اولا بيله‌جك تدبيرلر يئرينه ضرره گتيريب چيخارمايا‌جاق حركت‌سيزليك حالي‌نين سئچيلمه‌سي
او يوكسك PH درجه‌لري‌نين ضرريني اؤنله‌يه‌جك تامپون[بافر] محلول‌لارينين حاضرلانماسي
• ايره‌لي‌ده مئيدانا گله بيله‌جك ايستنمه‌ين[ناخواسته] باسينجي[فشاري] آزالتماق اوچون عمليات‌دان اول باسينجي بوينونا گؤتوره (آزالدا‌جاق) اشيانين ايستيفاده ائديلمه‌سي
او سئمئنت[سيمان] تؤكولمه‌دن اول آرماتور[ميلگرد] دميرلري‌نين يئرلشديريلمه‌سي
اصل 10. باشلانغيجدا حركتله
• اشيانين ايره‌لي‌ده لازيم اولا‌جاق عملياتين اول‌دن ائديلمه‌سي
او ياپيشقان‌لي[چسب‌دار] ديوار كاغيذي
او عمليات‌دان اول ايستيفاده ائديله‌جك بوتون واسطه وسايط ايستئريليزه ائديلمه‌سي
• اشيالارين لازيم اولان زاماندا ايستيفاده‌يه آلينماسي اوچون اولماسي لازيم اولان اويغون[مناسب] يئرلرين اول‌دن تعيين اولونماسي
او تام زامانيندا اوره‌تيم[توليد] ائدن فابريكالارداكي[كارخانه] كانبان سيستئم‌لري
او ائلاستيك[انعتاف‌پذير] اوره‌تيم حجره‌لري[سلول]
اصل 11. اؤنجه‌دن[اول‌دن] گوونلي‌ليغي[قابليت اطمينان] برك توتما
• اشيانن آشاغي سويه‌دكي اعتبارلي‌ليغيني اول‌دن جبران ائديلمه‌سي.
او يدك پاراشوت[چتر نجات]
او فوتو فيلمينده اولان و پيس پوزا چكيلمه‌سيني اؤنله‌ين ماقنئتيك[مغناطيسي] لئنت[نوار].
اصل 12. برابر پوتانسيئل‌ليك.
• اشيانين پوتئنسيال ساحه‌دكي حركت احتياجي‌نين آرا‌دان قالديريلماسي اوچون عمليات شرط‌لري‌نين دييشديريلمه‌سي
او پاناما كاناليندا گمي گئچيشلري‌نين تأمين ائديلمه‌سي اوچون پيلله سيستئمي‌نين ايستيفاده ائديلمه‌سي
اصل13. ديگر يول‌دان دولانما.
• بير چتينليگين حل ائتمك اوچون ايستيفاده ائديلن اصولون ترسينه ايشلديلمه‌سي
او ايچ ايچه كئچميش پارچا‌لاري آييراركن، چؤل‌دكي‌لر ايستيله‌مه‌سي يئرينه ايچري‌دكي‌لرين سويودولماسي.
• حركت‌لي پارچا‌لارين يا دا خاريجي اطراف موحيطين حركت‌سيز قيلينماسي؛ ثابت پارچا‌لارين حركت‌لي حالا گتيريلمه‌سي.
او آراج[ابزار]، چئويرمك يئرينه پارچانين چئوريلمه‌سي.
او هاوا و مئترولارداكي گئدن باند.
او قاچيش باندي[باند دو-ميداني]
• اشيانين يا دا پروسئسين ترس دوز ائديلمه‌سي.
او اتومبيل اوره‌تيم[توليد] بانديندا، اتومبيلين 180 و يا 360 درجه چئوريله‌رك لازيم‌لي مونتاژ، قايناق و س[سايره]. عمليات‌لارين ائديلمه‌سي.
او تاخيل[غلات]، كانتينئرلر ترس چئوريلمه‌سي يولو ايله بوشالديلماسي.
اصل14. كوره‌سل‌ليك - بوكوملولوك
• پارچا‌لارين[قطعه‌لرين]، سطح‌لرين و يا فورما‌لارين بوجاق‌لي اولماسي يئرينه يومرو[گيرده] اولماسي؛ دوز سطح‌لردن كوره‌سل[كروي] سطح‌لره كئچيلمه‌سي؛ كوبيك[مكعب] ياپي‌لار[ساختارها] يئرينه كوره‌سل قورولوشون ايستيفاده ائديلمه‌سي.
او معماري‌دير، دؤزوم‌لولوگو آرتيرماق اوچون كمر و قوببه‌لرين[گونبزلرين] ايستيفاده ائديلمه‌سي.
• سيليندر، توپ، ايسپيرال[مارپيچي] و قوببه[گونبز] شكيل‌لري‌نين ايستيفاده ائديلمه‌سي.
او قلمي، دوزگون مركب آخيشي‌نين تأمين ائديلمه‌سي مقصديله بالل-پوينت اوجونون ايستيفاده ائديلمه‌سي.
او چكي‌سي چاليشماسي ائديلن آلت‌لرده آغيرليغين بير ايسپيرال ياي ايله باغ‌لانا‌راق داوام‌لي دايانيقليليغين تعمين ائديلمه‌سي.
• خطي حركتلردن‌سه دؤنه‌ل[دوار] حركت‌لرين ايستيفاده ائديلمه‌سي، مركزدن قاچما قوه‌سين‌دن فايدالانيلماسي.
او كورسور-ون[مكان نما نين] كامپيوتر ائكرانين‌داكي خطي حركت‌لري‌نين، ماوس و ايز توپو واسطه‌سيله ياراديلماسي
او پالتارليق ماشين‌لاريندا، پالتاريويان چئويريله‌رك قورودولماسي
او مبل‌لاردا سيليندريك[استوانه اي] تكرلر يئرينه كوره‌سل[كروي] تكرلرين ايستيفاده ائديلمه‌سي
اصل 15. ديناميك. [پويا]
• بير وسيله‌نين، خاريجي اطرافين و يا پروسئسين مشخصه خصوصيت‌لري‌نين؛ ان اويغون ايش شرايطيني تامين ائده‌جك شكيلده حاضيرلانماسي و يا بونا ايجازه وئريلمه‌سي
او آيارلانابيلير[تنظيم اولان] سوكان[فرمان]، سوروجو اوتوراجاغي و گوزگولر
• بير بوتونون[از يك كل]، بير-بيرينه باغلي اولاراق حركت ائتمه قابليتي اولان آلت پارچا‌لارا بؤلونمه‌سي.
او پروانه فورما‌لي كامپيوتر كيبوردو
• ائلاستيك[منعطف] اولمايان و قرارلي بير خصوصيته صاحب وسيله يا دا پروسئس‌لرين، حركت ائده بيلر و تطبيق ائديله بيلن حالا گتيريلمه‌سي.
او ماشين‌لارين آناليز ائديلمه‌سي اوچون ايستيفاده بوروسكوپ[بير وسيله آدي]
او طب‌ده ايستيفاده، آندوسكوپ و سيگموديوسكوپ آلت‌لري.
اصل 16. قيسمن و يا حدين‌دن آرتيق حركت
• بير پروسئسين يوزده يوزونون، وئريلن اصوللا باشاريلماسي‌نين مومكون اولماديغي حال‌لاردا، عيني اصولون بير پارچا آز و يا بير پارچا چوخو ايستيفاده ائديله‌رك، موشكولون حلي‌نين داها آسان الده ائديلمه‌سي.
او بوياما عملياتي‌نين اول چوخ بير شكيلده ائديلمه‌سي و سونرا چوخلوغو آرا‌دان قالديريلماسي. (يا دا شابلون ايستيفاده ائديلمه‌سي)
او دوزدانين دولدورولماسي اسناسيندا قابدان داشان قيسيمين قالديريلماسي
اصل 17. ديگر اؤلچو
• بير اشيا ايكي و يا اوچ اؤلچولو اوزاي‌دا[فضا دا] حركت ائتديريلمه‌سي
او عرضه اولونانلاري ايستيفاده اينفرا قيرميزي[مادون قرمز] سيچان‌لارين حركتي يالنيز سطح‌ده دئييل هاوادا دا قبول ائده بيلمه‌سي
او بئش اوخلو[محور] كسمه[تراش] وسيله‌سيني ايسته‌نيلن يئره قرار وئرمه‌سي
• تك‌لي آنبارا[مخزنه] صاحب اشيالار يئرينه چوخلو آنبارا صاحب اشيالارين حاضيرلانماسي
او آلتي CDليك موسيقي چالارلار ايله موسيقي زاماني‌نين و مختليف‌ليگي‌نين آرتيريلماسي.
او دؤوره تاختاسي‌نين هر ايكي ستهينه ده چيپلئري يئرلشديريلمه‌سي
• بير اوبيئكتين يئني‌دن ايستيقامتلن‌ديريله‌رك بير كناري اوزرينده مؤوقئلنديريلمه‌سي
او دامپئرلي يوك ماشيني
• وئريلن بير ساحه‌نين باشقا كناري‌نين ايستيفاده ائديلمه‌سي
او ميكروالكترونيك قاريشيق دؤوره‌لري بيرلش‌ديره‌رك سيخليغيني آرتيرماق
اصل 18. مكانيكي تيترشمه
• بير اشيانين ساللانماسي‌نين يا دا تيترئشمئسي‌نين تامين ائديلمه‌سي
او تيترشن آغيزا صاحب الكتريك‌لي بيچاق
• تيترشمه تئزليگي‌نين آرتيريلماسي
او تيترشمه ايله پودرا تؤكولمه‌سي
• بير اشيانين تيترشمه تئزليگي‌نين ايستيفاده ائديلمه‌سي
او بؤيرك داش‌لاري‌نين مغناطيسي تصوير گؤتورمه كؤمك ايله يوخ ائديلمه‌سي
اصل 19. دؤوري[تناوبي] حركت
• داوام‌لي تدبيرلر يئرينه دؤوري حركت‌لرين ايستيفاده ائديلمه‌سي
او بير شئيه چكيج ايله تكرارلي اولاراق وورولماسي
او دايمي بير آژير كسيلي بير آژير ايله دييشديريلمه‌سي
• اونسوز دا دؤوري اولان بير حركتين بؤيوك‌لوگونون و يا تئزليگي‌نين دييشديريلمه‌سي
او دايمي بير آژير گئنليغي‌نين و يا تئزليگي‌نين دييشديريلمه‌سي
• داها فرق‌لي بير حركتين حياتا كئچيريلمه‌سي اوچون تأثير ائدن قوه‌لر آراسيندا دايانما‌لار ساخلانيلماسي
او اورك ماساژي اسناسيندا، بئش سينه تضييقي‌نين آردين‌دان بير نفسين ايشتيراك ائتمه‌سي.
اصل 20. فايدا‌لي حركتين داوام‌لي‌ليغي
• بير اشيانين بوتون آلت پارچا‌لاري‌نين دايمي اولاراق تام يوكله ايشيني تامين داوام‌لي ايشين تامين ائديلمه‌سي.
او واسطه دوردوغوندا، وولا[لنگرلي چرخ] يا دا هيدرو‌ليك سيستئمين، محرك‌ين اوپتيمال[ياخشي] گوجده ايشيني داوام ائتديرمك مقصديله انرژي دئپولاماسي[ذخيره ائتمه‌سي].
او بير فابريك‌دكي[ايش يئرينده‌كي] داربوغاز عمليات‌لارين داوام‌لي آپاريلماسي تامين ائديله‌رك اوپتيمال ايره‌ليلمه سرعتينه چاتيلماسي (محدودلاشديرار نظريه‌سي يا دا تاخدي مدتي).
• بوتون آتيل يا دا كسيكلي حركت‌لرين و يا ايشلرين النيلمه‌سي.
او كارتريچ گئري گلمه‌سي اسناسيندا دا يازماسي
اصل 21. تلسمه
• بير پروسئسين يا دا يوخ ائديلير، ضررلي و تهلوكه‌لي عمليات‌لار كيمي معين مرحله‌لرين سرعتله آپاريلماسي
او توخولارين[بافت لارين] ايستيله‌شمه‌سيني اؤنله‌مك[قاباغين آلماق] مقصديله يوكسك سرعت‌لي ديشچي مته‌لري ايستيفاده ائديلمه‌سي
او فورما دئفورماسيون‌لاريني[تغيير شكل] اؤنلمك مقصديله؛ پلاستيك وسايل‌ين كسيلمه عملياتي‌نين، ايستي‌نين ييغيلما سرعتين‌دن داها سرعت‌لي اولاراق رئاللاشديريلماسي.
اصل 22. 'ليمون‌لاري ليموناتايا چئويرمك
• ضررلي فاكتورلارين (خصوصيله ده اطراف موحيط و موحيطين ضررلي تأثيرلري‌نين)، مثبت بير تأثير ياراتماق اوچون ايستيفاده ائديلمه‌سي.
او توللانتي‌لارين[زيبيل لرين] ايستي‌ليگي‌نين الكتريك چيخارماق اوچون ايستيفاده ائديلمه‌سي
او بير مدت‌ده‌كي توللانتي‌نين، بير ديگر مدتده خام‌مال اولاراق ايستيفاده ائديلمه‌سي
• باشليجا ضررلي حركتين، بير ديگر ضررلي حركته علاوه اولونا‌راق پروبلئمين حل‌ينده ايستيفاده ائديلمه‌سي.
او آشينديريجي[سورتن] حل تامپون[بافر] وسايل علاوه
او دالگيچ[شناور] بالون‌لاريندا هئليوم-اوكسيژن قاريشيغي‌نين ايستيفاده آزوت و اوكسيژن زهرلنمه‌سي‌نين قارشي‌سيني آلماق
او ضررلي بير فاكتورون[عامل‌ين] شدتي‌نين، آرتيق ضررلي اولماياجاغي بير درجه‌يه يوكسلديلمه‌سي
او مئشه يانغين‌لاري‌نين بؤيومه‌سي‌نين قارشي‌سيني آلماق اوچون يانغي‌نين ايره‌ليله‌ديگي يؤن‌دكي آغاج‌لارين يانديريلماسي و يا كسيلمه‌سي
اصل 23. گئري بسلمه[باز خورد]
• بير سوره‌جين[پروسئسين] يا دا حركتين گليشتيريلمه‌سي اوچون گئري بسلمه‌نين ايستيفاده ائديلمه‌سي.
او سس سيستم‌لرين‌دكي اوتوماتيك سس كنترلو
او ايستاتيستيك[آماري] پروسئس ايداره‌ده اؤلچوم‌لرين، پروسئسين نه واخت دييشديريلجييني قرار وئريلمه‌سينده ايستيفاده ائديلمه‌سي (بوتون گئري بسلمه سيستئم‌لري اتوماتيك لشديريلميش دئييل.)
او بودجه‌لر
• گئري بسلمه‌نين مؤوجود وضعيتده ايستيفاده اولماسي وضعيتينده بؤيوك‌لوگونون و يا تأثيري‌نين آرتيريلماسي
او هاوا ليمانينا بئش كيلومئتر ياخينلاشديغيندا خلبانين حساس‌ليغي‌نين آرتيريلماسي.
اصل 24. آراجي قوللانماق
• بير آراجي اشيا يا دا پروسئسين ايستيفاده ائديلمه‌سي
او چكيج و ميخ آراسيندا ايستيفاده ميخ توتوجوسو
• بير اشيانين، كئچيجي اولاراق و آسان‌ليقلا آيريلابيله‌جك شكيلده بير ديگري ايله بيرلشديريلمه‌سي
او سيجاق[داغ] قازانين توتولا بيلمه‌سي اوچون فئر الجكي‌نين ايستيفاده ائديلمه‌سي
اصل 25. سئلف سرويس
• بير اشيانين فايدا‌لي كؤمكچي تابع‌لر يئرينه يئتيره‌رك اؤزونه خيدمت ائتمه‌سي
• توللانتي‌لارين قايناق‌لارين، انرژي‌نين و مادده‌لرين ايستيفاده ائديلمه‌سي
او بير مدت‌ده‌كي ايستي‌ليك انرژي اوره‌تيمينده [توليدينده] ايستيفاده ائديلمه‌سي (Co-generation)
او حيوان نجيسينين گوبره[كود] اولاراق ايستيفاده ائديلمه‌سي
او يئمك توللانتي‌لاري‌نين و چوروموش يارپاق‌لارين گوبره اولاراق ايستيفاده ائديلمه‌سي
اصل 26. چيخارماق[كپي ائتمك]
• چتين اولان، باها‌لي، كؤو‌رك[سينان] جيسيم‌لرين اؤزلري يئرينه نوسخه‌لري‌نين ايستيفاده ائديلمه‌سي.
او گئرچك بير تعطيل يئرينه كامپيوترده مجازي بير بنزتمه.
او سمينارا قاتيلماق يئرينه دانيشيلان‌لاري كاسئت‌دن دينله‌مك.
• بير جيسيم يا دا مدتي گؤرسل[بصري] نومونه‌سي ايله دييشديرمك.
او مشاهده‌لري، يئردن ائتمك يئرينه پئيك گؤرونوشلريله ائتمك.
او بير جيسمين اؤلچولريني شكيلين‌دن آلماق
او ائمبريون[جنين] ساغلام‌ليغيني بيرباشا تئست‌لرله اؤلچمك يئرينه سونوگرافي ايستيفاده ائديلمه‌سي.
• گؤرسل نوسخه‌لرين آراشديريلماسي وضعيتينده، اينفراقيرميزي[مادون قرمز] و اولترابنؤوشيي[ماورا بنفش] نوسخه‌لرين ايستيفاده ائديلمه‌سي.
او بير تارلا‌داكي خسته‌ليك‌لرين اولماسي يا دا بير تهلوكه‌سيزليك سيستئمي‌نين گؤستريلمه‌سي اوچون ايستي‌ليك حساس اينفراقيرميزي شكيل‌لريم ايستيفاده ائديلمه‌سي.
اصل 27. اوجوز قيسا عؤمورلو اشيالار
• باها‌لي اولمايان بير جيسمي، معين خصوصيت‌لريني (ميثال. خيدمت عؤمرو) اهاته ائدن بير نئچه اوجوز كوپي‌سي ايله دييشديرمك.
او اوتئل‌لرده ايستيفاده اولان كارتن ايستكان‌لار، كؤرپه بئزلري، بير چوخ طبي درمان.
اصل 28. مكانيكي يئرينه يدك‌دن ايستيفاده ائتمك
• مكانيكي سيستئم‌لر يئرينه دويومسال[حسي] سيستئم‌لرين ايستيفاده‌سي.
او فيزيكي قفسه يئرينه سس چيخاران قفسلرله حيوان‌لاري اوزاق توتماق (ميثال. هاوا ساحه‌لرين‌دن قوش‌لاري اوزاق توتماق اوچون ايستيفاده ائديلن سيستئم)
او قاز[GAZ] سيزينتي‌لاريني ائده‌جك الكترون و مكانيكي سيستئم‌لر يئرينه قازا، پيس قوخولو بير مادده قاريشديرماق.
• جيسيم‌لرله ائتكيلشمك[تعامل ائتمك] اوچون مغناطيسي، الكترونيكي و الكترومغناطيسي دالغا‌لارين ايستيفاده ائديلمه‌سي.
او ايكي توزون پارچاجيق‌لاريني[ذرات گرد و غبار] الكتروستاتيك ايستيفاده ائده‌رك بيريني مثبت ديگريني منفي يوكله برپا ائدين. بوندان سونرا دا حس‌جيك‌لرين حركت‌لريني يا مغناطيسي دالغا‌لارلا نظارت ائتمك، يا دا حس‌جيك‌لرين مغناطيسي يوك‌لري‌نين بير-بيرلريله اويغونلاشماسيني بوراخماق
• ايستاتيك دالغا‌لار يئرينه حركت‌لي دالغا‌لار ايستيفاده و ايچينده قورولوش اولمايان ساحه‌لردن قورولوش اولان ساحه‌لره كئچمك.
او كؤهنه‌دن OMNI راديو دالغا‌لاري ايله ياييليردي. آرتيق چوخ اطراف‌لي ساچيش[تابش] طرح‌لري ايستيفاده آنتن‌لرين ايستيفاده ائديلير.
• مغناطيسي دالغا‌لاري، مغناطيسي دالغا‌لاردان تأثيرلنن حس‌جيك‌لراوزرينده ايستيفاده.
او دمير مغناطيسي بير ماده‌ني مغناطيسي ساحه‌لرله ايستيله‌ده‌رك ايستي‌ليگيني جوريه[كوري] نقطه‌سينه قدر گتيرمك. بئله‌جه وسايط، جوريه نقطه‌سين‌دن سونرا پارامغناطيس بير وسايطه چئوري‌لر و مغناطيسي اولاراق ايسيتيلماز[حرارت وئريلميش] حالا گلير.
اصل 29. پنؤماتيك و هيدراو‌ليك
• جيسيم‌لري مايع و قاز حس‌جيك‌لرين قاتي حس‌جيك‌‌لر يئرينه ايستيفاده ائديلمه‌سي (مثال. شيشيريله‌بيلير اولماسي، مايع ايله دولو اولماسي، هاوا ياستيق‌لاري، هيدروستاتيك)
او ژئل دولدورولموش راحات باشماق دؤشمه‌لري.
او بير اتومبيل ياواشلاماسي اوچون ايستيفاده ائنئرژيني هيدرو‌ليك بير سيستئمله ساخلاماق و داها سونرا قالخماقدا ايستيفاده.
اصل 30. منعطف قابيق‌لار و نازيك زولاق‌لارين ايستيفاده ائديلمه‌سي
• ائلاستيك[منعطف] قابيق‌لارين و نازيك زولاق‌لار اوچ بؤيوتلو ياپيلارين[ساختارهاي سه بعدي] يئرينه ايستيفاده ائديلمه‌سي.
او قيش آيلاريندا تئننيس ساحه‌لري‌نين اؤرتولمه‌سي اوچون شيشيريله‌بيلير بير قورولوشون ايستيفاده ائديلمه‌سي.
• خاريجي فاكتورلارا قارشي جيسيم‌لري تجريد[ايزوله] ائديلمه‌سي اوچون چئويك قابيق‌لارين و نازيك زولاق‌لار ايستيفاده ائديلمه‌سي.
او سو آنبارلاريندا جوت قطب‌لو اينجه بير فيلمين (بير اوجو هيدروفيل ديگر اوجو هيدروفوبيك) ايستيفاده‌سي ايله بوخارلانمانين قارشي‌سيني آلير.
اصل 31. كئچيريجي مادده‌لر
• كئچيريجي[نفوذپذير] جيسيم‌لر ايستيفاده و يا جيسيم‌لره كئچيريجي ايشچي‌لر علاوه ائدين.
او آغيرليغيني آزالتماق اوچون بير جيسيمه دليك‌لر آچين.
• اگر بير جيسيم كئچيريجي ايسه، بو كئچيريجى‌‌لرين بير ايشه ياراماسي‌دير تامين ائديلمه‌سي.
او كئچيريجي بير مئتال[فلز] فيتيله‌‌نين ايستيفاده چوخ لئحيم‌لره تطبيق يئرين‌دن اوزاقلاشديريلماسيني تامين ائتمك.
او پالاديوم‌دان ائديلميش كئچيريجي بير سونگر[اسفنج] ايچينده هيدروژئن قازي‌نين ييغيلماسي (هيدروژئن اتومبيل‌لرينده اولان هيدروژئن آنباري يئرينه بو شكيلده بير سيستئمين ايستيفاده ائديلمه‌سي داها تهلوكه‌سيز)
اصل 32. رنگ دييشديرمه
• بير جيسمين اؤز رنگي‌نين يا دا اطرافي‌نين رنگي‌نين دييشديريلمه‌سي
او قاران‌ليق اوتاقدا فوتوشكيل نئگاتيوله‌رينه ضرر وئرمه‌يه‌جك اعتبارلي ايشيق‌لارين ايستيفاده ائديلمه‌سي
• بير جيسمين و يا اطرافي‌نين، ايشيق گئچيرگئنليغيني آرتيرماق
اصل 33. هوموگئن[همگن] اولما
• جيسيم‌لرين عيني ماتئريال‌دان[مادده‌دن] ائديلميش باشقا جيسيم‌لرله علاقه ايچينده اولماسيني تامين ائتمك (و يا عيني خصوصيت‌لره صاحب جيسيم‌لرله.)
او كيمياسال[شيميايي] تپكي‌نين[واكنش‌ين] ان آز سويه‌ده اولماسي اوچون قابين و ايچينده اولان جيسمين عيني مادده‌دن ائديلمه‌سي.
او آلمازلاري[الماس‌لاري] كسمك اوچون آلمازدان ائديلميش كسيجي‌لر ايستيفاده ائديلمه‌سي
اصل 34. آتما و يئني‌دن اله آلما
• بير جيسمين، اشله‌ويني[كارايي] تاماملاميش حيسه‌لري‌نين اوزاقلاشديريلماسي (مايع‌ده حل ائده‌رك، بوخارلاشتيريلاراك، وسايره.)
او درمان كاپسول‌لاري‌نين سودا حل ائديلمه‌سي.
او مه‌كه[ذرت] نيشاستاسي ائحتيوا قاب‌لارا سو سه‌پيلديغيني حجمينده گؤرولن بؤيوك چاپلى[قطر] ائنيش.
او بوزدان ائديلميش قابلاري ايستيفاده ائده‌رك بعضي ياپى‌لاري شكيل‌لنديرديك‌دن سونرا، بوزون ارييه‌رك گئرييه ايستنن شكيلي بوراخماسي.
او اوزاى[فضا] شاتئل‌لرى‌نين يانا‌جاق داشييان بير نئچه حيسه‌دن مئيدانا گلمه‌سي. ياناجاغي بيتن بؤلمه اوزاى گمي‌سين‌دن آيريلير و گمي‌سي داها چوخ آغيرليق ائتمز.
• ايستئهلاك ائديلن پارچا‌لارين احتياج مرحله‌سينده مدتجه اؤنجه قاتيلماسيني ساغلاما[محافظه ائتمه].
او اؤز اؤزونو باجاران چمن بيچمه بيچاق‌لاري.
او ژنراتورون موتورونو ايشلتمك اوچون ايستيفاده انرژيني، موتورو چاليشيب تكرلر دؤنمه‌يه باشلاديق‌دان سونرا يئني‌دن گئري قازانماسي
اصل 35. پارامئتر دييشيك‌ليگي
• بير جيسمين فيزيكي وضعيتيني دييشديرمك (برك[جامد]، مايع، قاز، وسايره...)
او شكر نورمال آخيجي اولان مركزلريني اول دوندوروب سونرا شوكولاتا باتيرماق.
او اوكسيژن و آزوت قازلاريني مايع حالدا داشييا‌راق داها آز حجم اؤرتمه‌لريني تامين ائتمك.
او تحليل ائدركن مادده‌لردن بير دنه‌سي‌نين فيزيكي وضعيتيني دييش‌ديره‌رك ديگر مادده‌لردن آييرماق.
او دؤكومو اؤزو بونا بير نومونه‌دير. قاتي بير جيسيمي بؤيوك قوه‌لر ايستيفاده ائده‌رك شكليني دييشديرمك يئرينه مايع حالدا ايسته‌نيلن شكله گتيريب ائله دونماسيني تامين ائتمك.
• جيسيم‌لرين سيخ‌ليق‌لاريني و اؤز كئيفيتيني دييشديرمك
او برك صابون يئرينه داها آخيجي، داها گيگيئنيك و داها راحت اولان مايع صابونون ايستيفاده ائديلمه‌سي.
او برك ياغ يئرينه Becelين چيخارديغي مايع كئيفيته صاحب مارقارين.
او خام بالين داها مايع حالا گتيريله‌رك داها راحت حالا گلمه‌سي
• جيسمين ائلاستيك‌ليگيني[منعطف‌ليگيني] دييشديرمك
او ورق كنارلاري اولان بؤيوك بير مخزنين ايچينه اشيا بوراخيلديغيندا آنبار ديوارلاري‌نين داها آز تيترشمه‌سينه سبب اولان دامپينگ ياستيق‌لاري ايستيفاده‌سي ايله اورتايا چيخان سس-كوگون قارشي‌سيني آلماق.
او كاوچوغو منعطف‌ليگيني و دايانيق‌لي‌ليغيني دييشديرمك اوچون گوگوردله سرتلشديريلمه‌سي.
او تجريد وسايطلري ايستيفاده ائديله‌رك بير يئردكي فيزيكي دييشمه‌لرين باشقا بير يئره گئتمه‌سيني مانع تؤرتمك (سس، ايستي‌ليك، وسايره...)
او عموميتله بينا‌لارين منعطف‌ليگيني آرتيرا‌راق زلز‌له‌يه قارشي اولان دايانيق‌لي‌ليغيني آرتيرماق.
• جيسمين ايستي‌ليگيني دييشديرمك
او دمير مغناطيسي بير جيسيمين ايستي‌ليگيني كور نقطه‌سي‌نين اوستونه چيخارا‌راق مغناطيس خصوصيتيني ايتيريب يالنيز مغناطيسي چكيله‌بيلن بير جيسيم حالينا گتيريلمه‌سي.
او يئمه‌يين ايستي‌ليگيني يوكسلده‌رك بيشيرمك (كيمياسال، داد، قورولوش خصوصيت‌لري‌نين دييشمه‌سي(
او طبي نومونه‌لري آشاغي سيجاقليق‌لاردا توتا‌راق داها اوزون مدت ساخلانما‌لاريني تامين ائتمك.
او عمليات ائديلركن بؤلگه‌سل[منطقه‌اي] اويغونلاشماغا سبب اولماسي اوچون سويودوجو اسپري‌نين ايستيفاده ائديلمه‌سي
اصل 36. حال كئچيش‌لري
• حال دييشمه‌لرينده عبارت دييشيك‌ليك‌لرين ايستيفاده ائديلمه‌سي (حجم دييشمه‌سي، ايستي‌ليك مبادله‌سي)
او قديم چاغ‌لاردا[زامانلاردا]، داغ‌لاردا اولان نهنگ داش‌لارين اوستونه گئجه واختي سو تؤكوله‌رك دونماسي‌نين تامين ائديلمه‌سي و سويون گئنيشله‌ين حجمي اوزون‌دن بو داش‌لاردان داها كيچيك پارچا‌لارين قيريلماسي‌نين تامين ائديلمه‌سي.
او ايستي‌ليك ناسوس‌لاري هم بوخارلانما هم ده سيخلاشما اولدوغو باغلي تئرموديناميك سيستئم‌لري ايستيفاده ائده‌رك فايدا‌لي ايشلر ائدرلر.
اصل37. تئرمال گئنيشلنمه[انبساط حرارتي]
• مادده‌لرين گئنيشلنمه ايمكان‌لاري‌نين ايستيفاده‌سي.
او مؤحكم بير اويناغي بيرلش‌ديرمك اوچون خاريجيني ايستيله‌ده‌رك اوزانماسيني تامين ائتمك و داخلي طرفيني سويودا‌راق قيسالماسيني تامين ائتمك و نتيجه‌ده تارازليغي ياراتماق.
• گئنيشلنمه ايستيفاده ائديليرسه، گئنيشلنمه ضريبي فرق‌لي اولان مادده‌لرين بير يئرده ايستيفاده ائديلمه‌سي.
او مئتال جوت‌لري‌نين ايستيفاده تئرموستات سيستئم‌لري (ايستيله‌شينجه بير طرفه، سويويونجا ديگر طرفه بوكولن مئتال جوتلوك‌لري)
او يانغين آلارم‌لاريندا ايستيفاده مئتال[فلز] جوت‌لري (ايستيله‌نن مئتال جوتو، بوكوله‌رك الكتريك دؤوره‌سيني تاماملايير و يانغين ايمكان وئرسه‌نيز چالماسينا سبب اولار)
اصل 38. قوت‌لي اوكسيدلنديريجى‌لر
• نورمال هاواني، اوكسيژن‌له زنگينلشديريلميش هاوا ايله دييشديرمك.
او دالغيج‌لارين[غواص‌لارين] تانكلاريندان زنگينلشديريلميش بير هاوا قاريشيغي ايستيفاده ائديله‌رك داها اوزون مدت سو آلتيندا دورولابيلمه‌سيني تامين ائتمك.
• زنگينلشديريلميش هاوا يئرينه صاف اوكسيژن‌دن ايستيفاده.
او قايناق[جوشكاري] ائدركن اوكسي-آسئتيلئن قايناق ايستيفاده ائديله‌رك داها يوكسك درجه‌ده قايناق ائده بيلمك.
او آناائروب باكتئري‌لرله دؤيوشركن صاف اوكسيژن‌لي بئزلري‌نين ايستيفاده ائديلمه‌سي و يارا‌لارين داها تئز ياخشيلاشماسي‌نين تامين ائديلمه‌سي
• هاواني و اوكسيژني يونيكله‌شتيرن راديوسونا معروض بوراخماق و يونيكله‌شتيريلميش اوكسيژن ايستيفاده.
او هاواني يونيزه ائده‌رك ايچينده اولان چيركلنديريجي مادده‌لرين فيلتره تميزلنمه‌سيني تامين ائتمك
• يونيزه ائديلميش اوكسيژن يئرينه اوزون[Ozon] ايستيفاده ائدمك
او ايستيفاده ائتمزدن اول قازي يونيزه ائده‌رك كيمياسال تپكيمه‌لري[واكنش لري] سرعت‌لنديرمك
اصل 39. اثر‌سيز آتموسفئر
• نورمال آتموسفئري اثر‌سيز آتموسفئر ايله دييشديرمك.
او سيجاق مئتال ليف‌لري‌نين[الياف فلزي داغ] پوزولماسيني مانع تؤرتمك اوچون آرقون آتموسفئري‌نين ايستيفاده ائديلمه‌سي.
• بير جيسيمه حركت‌سيز علاوه‌لر ائتمك و يا نئيترال[خنثي] پارچا‌لار علاوه ائدين.
او توز حالين‌داكي يويوجو حجميني، تاثيرسيز وسايط‌لر علاوه آرتيرماق و بئله‌جه عنعنوي[معمولي] اؤلچو تئكنيك‌لري ايله اؤلچولمه‌سيني تامين ائتمك
اصل 40. كومپوزيت مادده‌لر
• تك نؤوع ماده يئرينه بيرلشميش ماده‌لرين ايستيفاده‌سي.
او ائپوكسي رئزين / كاربون ليف قاريشيغي ماده‌دن داها دايانيق‌لي، داها منعطف و داها يونگول خصوصيت‌لره ماليك‌دير. گولف سوپا‌لاريندا و اوچاق[طياره] پارچا‌لاريندا ايستيفاده ائدي‌لر.
او جام الياف‌ين‌دان ائديلميش سؤرف تاختا‌لاري[تخته هاي موج سواري] داها آسان نظارت ائديله بيلر، داها آسان شكيللنديريله‌بيلير و داها يونگول‌دور.
او، بير چوخ يئرده دمير يئرينه موختليف پولاد آلاشيم‌لاري‌نين ايستيفاده ائديلمه‌سي (پاسلانمايان پولاددان قازان‌لار)
***
آچيقلاما:
تريز نظريه‌سي اينديكي يوز ايلليگين ان مهم نظريه‌سي ساييلير. بو بيليمسل يازي‌دا چوخلو اصطلاح لار علمي اولاراق خاص قونولارلا ايلگي‌سي وار و يازيني اوخوياندا بعضي كلمه‌لرين آنلاميني بيلمه‌سز لطفا اينترنت ده آختارين يادا او قونودا اوزمان اولان شخص دن سوروشون. بو علمي مقاله‌ني حاضيرلاماقدا مختلف سايت لاردان كؤمك آلينيب. تريز يازيسي بيرينجي دفعه دير آذربايجان‌توركجه‌سينده حاضيرلانير، همده عرب اليفباسيندا.
تريز چاليشير دئسين دونيادا بوتون پروبلئم‌لرى (موشكول‌لرى) مسئله ائديب حل يولونو تاپماق لازيم دير.
قايناقلار:
www.inovasyondunyasi.com
www.mgtsolution.com
www.en.wikipedia.org/wiki/TRIZ
http://kar-novin.mihanblog.com/post/5
http://en.wikipedia.org/wiki/Tips
http://www.docstoc.com/docs/80367181/Genrich-Altshuller-Father-of-TRIZ
