گولوم من
یازار yazar :حسین واحدى
تاریخ:1394.10.4-05:16
گولوم من
آمان گؤزل حسرتیندن یانارام،
هیجران اودون شیرین جانا سالارام.
خزان ائتدین بو عؤمرومون باغینی،
هئیوا كیمی سارالیبان سولوم من.
یئتیشمه دیم نازلی یارین چاغینا
سجده قیلیم قاشلاری نین طاغینا.
قئیس كیمی چیخیم لئیلا داغینا،
مجنون اولوب صحرالاردا قالیم من.
سیاه زولفر اوزه سالمیش سایانی،
مگر بو ظولوما عاشیق دایانی.
فرهاد كیمی بركیتمیشم قایانی،
عهد ائتمیشم یار یولوندا اؤلوم من.
یار، یاردان آیریلسا البت قوجالی،
اؤلدورَر گؤزلرین وئرمز ماجالی.
میسكین دئیر یا رب حالیم نئجولو،
ایللره جن آغلاماییم گولوم من.
حسین قصاب اوغلو (بالوولو میسكین)
باخیش لار(0)
[cb:post_like]
