شهید بابا ساعی
بابا ساعی نین عجاییب عزت-ی نفسی وارییدی. اونون هئچ زامان دونیا مالیندا تاماه كارلیغی یوخویدو. بیر مددت یوخسولویدو امما باشقالاری ایله گؤروشنده داورانیشی بونو بللی ائتمیردی. او بیر قیراندا بیریندن بورج آلمازدی و بؤیوك روحون صاحیبی اولدوغو اوچون، یولداشلارینیندا عزت-ی نفس لری اولماق ایسته ییردی.
او، یولداشلارینین احتیاج لارینی قالدیرماق اوچون، قرض الحسنه صاندیغی آچمیشدی. یولداشلارین امین اولدوغونا باخمایاراق، ایشینده نظم اولاراق، مؤسسه نین ایشلریندن راپور حاضیرلاییب اونلارا وئرردی. اونون باشقا اؤزللیك لریندن، ایگیتلیگی (شجاعت) اییدی. دوستلاریندان بیری دئییر: من ایله ساعی نی توتوقلاییرلار، بیزدن اعتراف آلان زامان شاعی هئچ واخت آغزین آچماییب و اونلارا سؤز دئمیردی. حتتا بیر گون زیندانی لرین ایچینده آزاد اولدوقلاری، توبه نامه یاییدیلار، شهید مأمورو چاغیریب و نصیحت ائتدی و زیندانیلرین چوخونودا بو ایشدن منصرف ائتدی. اونون شاه رئژمینین فسادینی هر یئرده دئدیگیندن قورخوسو اولمازدی.
چتینلیك لر اؤنونده دایاناراق، دوشمن قاباغیندا سینمازدی. اونون بؤیوك و حؤرمتلی بیر شخصیتی وارییدی و هر زامان یولداشلارینین آراسیندا اختلاف دوشسه یدی، ساعی اونلارا حوكم وئرردی و هامیدا اونون سؤزون قبول ائدردی. او یولداشلارینین بیرلیگین ایسته ییردی، آرز ائدیردی هئچ زامان آرالاری پوزولماسین. شهید گوناها چوخ حساس ایدی و هر زامان گوناه ائتمكدن چكیله ردی. نامازیندا هر یئرده و هر زامان اوول واختدا قیلاردی. گونده كی یاشامیندا، معروفا امر ائتمك و منكردن نهی ائتمك فریضه سینی اقامه ائدردی.
بابا، حددن آرتیق مطالعه ائدردی. ایش یئرنده (كیتاب ساتاردی)، كیتاب الیندن یئره دوشمزدی و هر زامان اوندان بیر سؤز سوروشاندا، اوخودوغو یئره علامت قویوب سونرا آردین توتاردی.
یولداشی آرتیریر: شاه رئژیمی بیزی موحاكیمه ائدن زامان قاضی من ایله ساعی دن تحصیلاتیمیزدان سوروشاندا، بابا منیم دیپلومدان آز ساوادیم وار- دئدی. قاضی ایسه اینانماییب سنین لیسانس دان یوخاری مدركین وار و یالان دانیشیرسان!!
ساعی نین سارمان (تنومند) بدنی وارییدی و داغچیلیق همیشه گؤردویو ایشلردنییدی. او داغدا یورقونلوق الان زامانلار ایسه حدیث دئیردی. قورآن جلسه لرینده ده شاگیردلره چوخ زحمت چكیردی و اونلارین درس لری دوزگون باجاردیقلاریندان كندلرده قورآن كیلاسی آچماغا یوللاییردی.
بابا ساعی، تورك و فارس دیللرینده گوجلو بیر شاعیرییدی و اوزوندن دیرلی اثرلر یادیگار قویوبدور. او ائمه اطهارادا خاص ارادتی وارییدی و اونلارا شعر و مدح لر سؤیله یردی. اونون آدلیم نوحه لریندن:
حسین ندندی كربلا یزیدیان الینددی
او آلتی گوشه پاك
مزار شمر زمان الینددی
آد آپارماق اولار و بو نوحه اورمیه اهلینین دیلینین ازبری اولموشدو. ساعی ایمام (ره) عاشیق لریندن ساییلیردی و شهید آیت ا.. صدر-ین بویوردوغو كیمی: » ایمام خمینی (ره) نین ایسلامدا اریدیغی كیمی سیزده ایمامدا ارییین« ساعی ده ایمامین آدین و سؤزلرین ائشیدندن اونون دوشونجه لرینین عاشیقی اولموشدو.
اونون دككه سی اینقیلابین دككه سی ساییلیردی و انقلابی گنج لر (جوان لار) اورا ییغیشاردیلار. ساعی او دككه دن گلن آز گلیر ایله اؤز عاییله سیندن سونرا، آتاسینین عاییله سینینده خرجین وئریردی. بؤیوك ایسلام انقلابیندان سونرادا الی دالی اولانلارین الیندن توتماق ایله مسكن اوچون بعضی قورولوش لار آچدی.
انقلابدان سونرا، سیپاها كئچدی و منطقه نی دوشمن الیندن قورتارماق اوچون چالیشماغا باشلادی. او سیپاه اوچون ایده آل بیر پاسدار ساییلیردی. او سئرو گروهانین باشچیسی سئچیلندن سونرا اورادا شاه رئژیمینه باغلیلیق لاری اولان خانلار و ضد انقلاب لار ایله مبارزه یه باشلادی. اونون ایش باجاریقلیغیندان ساده جه بونو دئمك اونون نه قدر بؤیوك اولدوغونو گؤسته رجكدیر؛ ساعی او زامان 30 نفر ایله ساخلادیغی منطقه ایندی بیر تیپ او منطقه نی ساخلاییر!
منطقه دینجه لندن سونرا جنوب جیبهه لرینه یوللاندی. اورادا شهید باكی اونو قارشیلاییب و سون نفسینه كیمی برابر اولدولار. فتح المبین و مسلم ابن عقیل عملیات لاریندا اشتراك ائتمیشدی. اونون سون مسئولیتی حضرت ابوالفضل (ع) تیپینین باشچیسینین معاونی اولماغییدی. سونوندا مقدماتی والفجر عملیاتیندا 24 / 12/ 1361 آرزوسونا یئتیشیب، جننتی اؤزونه همیشه لیك ائو سئچدی.
اورمیه نین آدلیم شاعیری، اوستاد متمادی اونون وصفینده بئله سؤیله ییب دیر:
گذشته سالها از قتل ساعی
هنوز
هم مهر ساعی مانده در یاد
چو
او معشوق خود را كرد رؤیت
بگو
چید از یارش با دلی شاد
چو
او شد كشته، ازدلهای مردم
به
اوج آسمانها رفت فریاد
نبود
اندر كف اش جز جان شیرین
كه
جان را هم به جانان پیش كش داد
رقم
زد كلك تنها سال قتلش
ساعی
نیز رفت از محنت آباد
ساعی
نیز رفت از محنت آباد
باشقا شاعیرلردن بیریده بئله دئییر:
چون به جنت شد روان ساعی
مكان در قرب حق دارد
ز فیض لامكان ساعی
از آن شد اسوه ی تقوی
كه اندر مكتب عرفان
میان بستری از خون به
سر داد امتحان ساعی
حدیث عشق آن نبود كه
در گفت و شنود آید
كه در میدان نمود آن
را به خاك و خون بیان ساعی
به محراب دعا بودی
چنان پروانه ای عاشق
به جنگ كافران شیری
دلیر و پر توان ساعی
به عاشورا و با تیپ
ابوالفضل است نام آور
میان خط شكن یاران ،
شهیدی جاودان ساعی
به آذربایجان شد شهره
از ایثار و پاكیها
به كردستان سپاهی مرد
بی نام و نشان ساعی
تانری بو بؤیوك اینسانیمیزا رحمت ائتسین و بو شرفلی اینشالارین آدین و یادین دیری ساخلاماق هامیمیزین بورجودور و اینشاللاه بو شهیدین آدینا اولان خیاواندا شهیدین یوْنتوسون (مجسمه سین) قویوب و اونون یانیندا بو اولو (والا مقام) شهیدین یاشاییشین هامییا تانیتدیراق.
روحو شاد، یئری جننت اولسون
