اوروجلوق بازارلیغی
یازار yazar :حسین واحدى
تاریخ:1394.10.4-06:03
اوروجلوق
بازارلیغی
یازان: ندا عبدی
اوروجلوق آیینا آز قالیردی. آنام ایله بیرگه ائوده ایدیک. آنام؛ "قیزیم! منی باغیشلا. قیچیم آغریییر. آتایین دا، بازارا گئتمه یه واختی یوخدور. اوبیری باجی قارداشلارین دا گئدیب لر اؤز یاشاییشلارینین دالیسیجا. گئت بازاردان، اوروجلوق اوچون بیر آز یئر یئملی آل گتیر."-دئدی. اوزومدن کسمه دی آنامدان پول ایسته یم. پالتارلاریمی گئییب یولا دوشدوم. جیبیمه باخمیشدیم. اللی دنه ایکی مین تومنلیک واریم ایدی.
یولدا فیکیرلشیردیم, بو پولنان نه لر آلا بیلرم؟ دویو، ات، لپه، نوخود، ماش، یئرآلما، یومورتا، کره، پنیر... . بونلار منیم بئیینیمده او یان- بو یانا قاچیردیلار! آنسیز (ناگهان) تاکسی اؤنومده ساخلادی!
-دئدیم. "بازار آغزی"
باشینین ترپتمه سی ایله "مین" دئدی.
بازار آغزیندا یئنیب, هر نه دن قاباق اعظم مسجیدی نین قاباغینا گئتدیم. اؤز-اؤزوم له "ایندی بورادان دویوینن ات آلیب، پولومون قالانینا دا گؤروم نه لر آلا بیلرم..." دئدیم!
قصاب توکانینا گئتدیم. قیمت لره مات قالمیشدیم! ایکی کیلو ات آلا بیلدیم. قالانینا، "اوبیری لری آلارام"- دئدیم. بئله لیک له بازارلیق ائدیب، بازاردان چیخدیم. اعظم مسجیدینین قاباقیندا، دووارا دایاندیم. الیمه باخدیم. ایسته دیک لریمین یاریسین دا آلا بیلمه میشدیم!!
خیابانین اوبیری الینده، جماعات سیرادا (نوبت ده) دورموشدولار. بیلمه خیاللاشدیم یقین تویوق آلماق اوچون سیرالانیبلار!!
الیمده کیلری یئره قویدوم. جیبیمده ایکی مین پول قالمیشدی. بیر آز گئتدیم خیابانا ساری. بیر تاکسی سوروجوسونه؛ "آغا ایکی مین تومن دوققوزپلله" دئدیم.
تاکسی چی قبول ائدیب, من دئین یئره گلدی.
یئره باخدیم! هئچ نه یوخویدو... من بؤش یئره باخیردیم... سوروجو منه...
باخیش لار(0)
[cb:post_like]
