کامپیوترده ایشله‌ین یازارلارا خبردارلیق
خاطیرلاداق کی، اؤتن ایل ائلیف شافاکین “ایسگندر” رومانی‌نین پلاگیات[ادبی اوغورلوق] اولدوغو ادعا ائدیلنده، اونون زادی سمیت‌دن اوغورلادیغی سؤیلنیلمیشدی. زادی سمیت او زامان ائلیف شافاکا دستک مکتوبو یازا‌راق، اونو پلاگیاتدا سوچلایان‌لاری قینادیغینی بیلدیرمیشدی.
زادی سمیتین یئنی باشلایان یازارلارا یازماق حاقیندا آشاغی‌داکی 10 مصلحتی وئریر:
لاپ اوشاق‌لیق‌دان چوخلو کیتاب اوخوماغا چالیش. بو مشغولیته دیگر بوتون مشغولیت‌لردن داها چوخ واخت صرف ائت.
بؤیودوک‌دن سونرا اؤز یازدیغین یازینی یاد بیر آدام کیمی، حتی اؤز دوشمنین‌سنمیش کیمی اوخوماغا چالیش.
اؤز “ایستعدادینی” رومانتیکلشدیرمه‌یه چالیشما. یاخشی یازماغی یا باجاریرلار، یا دا باجارمیرلار. “یازیچی‌نین حیات طرزی” دئیه بیر شئی یوخ‌دور. اساس اولان سنین نه یازدیغین‌دیر.
پیس مئیل‌لرینی اونوتماغا چالیش. لاکین بو زامان ائده بیلمه‌یه‌جه‌یین بیر شئیی ائتمه‌یین اهمیت‌سیز اولدوغونو دئییب اؤزونو بونا ایناندیرما. اؤزونه تنقیدی یاناشمانی لاقئیدلیکله سهو سالما.
نییسه یازماقلا اونو رئداکته ائتمه‌یین آراسیندا معین قدر واخت قوی.
کلیشه‌لردن، قروپ‌لاردان، بیرلیک‌لردن اوزاق دور. اطرافیندا خئی‌لی سایدا اینسانین اولماسی سنین یازینی حقیقتده اولدوغون‌دان داها یاخشی ائده بیلمز.
یازی‌لارینی اینتئرنئته قوشولمامیش کامپیوترده[بیلگی‌سایار دا] یاز.
یازدیغین واخت و مکانی باشقا‌لاری‌نین موداخیله‌سین‌دن قورو. هر کسی، حتی سئودیک‌لرینی بئله همین مفهوم‌لاردان اوزاق ساخلا.
الده ائتدیک‌لرینله شؤهرتی قاریشیق سالما.
