آلفرئد نوبئل‌ین وصیت‌نامه‌سی
نوبئل اؤدولونون یارادیلماسی
آلفرئد نوبئل وصیتنامه‌نین بو بؤلومونده قئید ائدیر کی، اونون بوتون املاکی “گئریده قالان بیر ایل عرضینده بشریته ان بؤیوک فایدا وئرمیش شخص‌لره اؤدول‌لر تقدیم اولونماسی“ اوچون صرف اولونسون.
“منیم قالان بوتون املاکیم آشاغی‌داکی قایدا ایله بؤلوشدورولسون : منیم قییوم‌لاریم طرفین‌دن قیمت‌لی کاغیذلار[اوراق بهادار] شکلینده یاتیریلان سرمایه اساسیندا صاندیق یارادیلما‌لی و بو سرمایه فاییزلری[درصد] هر ایل اؤدول فورماسیندا گئریده قالان بیر ایل عرضینده بشریته ان بؤیوک فایدا وئرمیش شخص‌لره وئریلمه‌لی‌دیر.
او قئید ائدیر کی، اؤدول موافق اولا‌راق 5 برابر بؤلومه بؤلونمه‌لی‌دیر: بیر بؤلومو فیزیک علمینده چوخ مهم بیر اختراع و یا کشف ائتمیش بیر شخصه وئریلمه‌لی‌دیر ؛ بیر بؤلومو چوخ اؤنم‌لی کیمیه‌وی[شیمایی] کشف و تکمیل‌لشدیرمه آپاران شخصه ؛ بیر بؤلومو طب‌ده و یا فیزیولوژی‌ده چوخ اهمیت‌لی بیر چئوریلیش ائدن شخصه ؛ بیر بؤلومو ادبیاتدا باریش[صلح] یولوندا اثرلر یازا‌راق چوخ اؤنم‌لی ایشلر گؤرموش شخصه ؛ بیر بؤلومو ایسه خالق‌لار آراسیندا قارداش‌لیق یاراتماق، داییمی قوشون‌لارین آزالدیلماسی و باریش قورولتای‌لاری‌نین کئچیریلمه‌سی و گلیشمه‌سی[توسعه‌سی] اوچون ان یاخشی ایشلر گؤرموش شخصه وئریلمه‌لی‌دیر. فیزیک و کیمیا اوزره اؤدول‌لر سوئد علم‌لر آکادئمیسی طرفین‌دن، فیزیولوژی و طبی ایشلر اوزره اؤدول‌لر ایستوکهولم[استکهلم]داکی کارولینسکا اینستیتوتو طرفین‌دن، ادبیات اوزره اؤدول ایستوکهولم آکادئمیسی طرفین‌دن و باریش اؤدولونون غالب‌لری ایسه نروژ ایستورتینگ‌ینین ( نروژ پارلمانی) تعیین ائتدیگی بئش نفردن عبارت کومیته طرفین‌دن تلطیف[تشویق] اولونسون‌لار. بو، منیم ان بؤیوک آرزوم‌دور کی، اؤدول‌لر اینسان‌لارین وطنداشلیغین‌دان آسیلی اولمایا‌راق وئریلسین. ایسکاندیناویا‌لی اولوب-اولماماسین‌دان آسیلی اولمایا‌راق، لاییق اولان شخص بو اؤدولو آلسین”.
* نوبئل آلفرئد بئرنخاردAlfred Nobel 1833/ 1896 – سوئد مهندس-کیمیاچی‌سی. دینامیتی کشف ائتمیش، توستوسوز باریتین ترکیبینی تاپمیش‌دیر.
