ادبیات اوزره 2013-جو ایل نوبئل موکافاتی قالیبی ائلیس مونرو
مونرو اساساً، قیسا حیکایه‌لرینه گؤره مشهوردور و ایللر کئچدیکجه چوخلو حیکایه توپلوسو نشر ائتمه‌یه موفق اولموشدو. اونون اثرلری سیراسینا “سن اؤزونو کیم حساب ائدیرسن؟” (1978)، “یوپیتئرین پئیک‌لری” (1982)، “کاسل-روک‌دان منظره” (2006) ،“ حددن آرتیق خوشبخت‌لیک” ( 2009) و س... داخیل‌دیر. یازیچی‌نین “نیفرت، دوستلوق، قایغی، عشق، نیکاح” (2001) حیکایه‌لر توپلوسو اساسیندا سارا پول‌لی‌نین یؤنتمن‌لیگی ایله “اوندان اوزاقدا” فیلمی چکیلمیش‌دیر. ان سون نشر ائدیلمیش حیکایه‌لر کیتابی ایسه “عزیز حیات”-دیر (2012).
مونرو آیدینلیق و پسیکولوژی رئال‌لیغی ایله سئچیلن گؤزل تحکیه‌چی‌لیک قابیلیتینه گؤره تقدیر ائدیلیر. بیر چوخ تنقیدچی‌لر اونو “کانادانین چئخووو” حساب ائدیرلر. اونون حیکایه‌لری اساساً، سوسیال[اجتماعی] جهت‌دن قبول ائدیلن مؤوجودلوق اوغروندا موباریزه‌نین حؤکم سوردوگو کیچیک شهر موحیطی ایله محدودلاشیب نسیل موختلیف‌لیک‌لری و توققوشان حیات آمبیسیا‌لاری کیمی پروبلئم‌لردن قایناق‌لانان گرگین موناسیبت‌لر و منوی موناقیشه‌لرله نتیجه‌لنیر. مونرونون حیکایه‌لری اساساً گونده‌لیک حیات حادثه‌لرین‌دن بحث ائتسه ده، حل‌ائدیجی مقام‌لاری، منظره‌لری تصویر ائتمکله مؤوجود سوال‌لارین گون ایشیغیندا آیدینلیق تاپماسینا خیدمت ائدیر.
او، اینگیلیس،فرا‌سیز، ایسپان، ایسوئچ و آلمان دیل‌لرینده حیکایه‌لر مؤلفی‌دیر. حال-حاضردا یازیچی کلینتوندا، گونئی‌باتی[جنوب غربی] اونتاریودا، اوشاقلیق دؤورونو کئچیردیگی ائوین یاخینلیغیندا یاشاییر.
اینگیلیس دیلینده اولان اساس اثرلری
“شن کؤلگه‌لرین رقصی” — Dance of the Happy Shades (1968)، (گئنئرال-قوبئرناتورون بدیعی ادبیات اوزره موکافاتی‌نین قالیبی)
“قیزلارین و قادین‌لارین حیاتی” — (1971) Lives of Girls and Women
“سیزه نه ایسه دئمک ایسته‌ییردیم..” — Something I’ve Been Meaning to Tell You (1974)
“سن اؤزونو کیم حساب ائدیرسن؟” — (Who Do You Think You Are? (1978 (گئنئرال-قوبئرناتورون بدیعی ادبیات اوزره موکافاتی‌نین قالیبی؛ دیگر آدی “کاسیب خادیمه” (بئگگار ماید))
“یوپیتئرین پئیک‌لری” — The Moons of Jupiter (1982(
“محبت یولو” — The Progress of Love (1986)، (گئنئرال-قوبئرناتورون بدیعی ادبیات اوزره موکافاتی‌نین قالیبی)
“گنجلیک دوستوم” — Friend of My Youth (1990)، (تریللیوم کیتاب موکافاتی‌نین قالیبی)
“سیرلری آچین” — Open Secrets (1994)
“یاخشی قادی‌نین سئوگی‌سی” — (1998) The Love of a Good Woman (گیللئر موکافاتی‌نین قالیبی)
“نیفرت، دوستلوق، قایغی، عشق، نیکاح” — Hateship, Friendship, Courtship, Loveship, Marriage (2001)، (دیگر آدی “اوندان اوزاقدا” آواى فروم هئر))
“قاچاق” Runaway — (2004) (گیللئر موکافاتی‌نین قالیبی)
“کاستل-روک‌دان منظره” — The View from Castle Rock (2006(
“حددن آرتیق خوشبخت‌لیک” — Too Much Happiness (2009)
“عزیز حیات” — Dear Life (2012)
* تورکجه: Elis Munro/ اینگیلیسجه:Alice Munro
