اورك‍ـ ده قالان سئـوگي
اورك‍ـ ده قالان سئـوگي
اورگي دؤيونوردو. قافاسيندان يوزلرجه دوشونجه گليب، كئچيردي. نه ائده جه ييني بيلمه ييردي. اوشاق لار كيمي آغلاييردي. اوتاغينين قاپيسيني باغلاييب، پنجره قيراغيندا دوروب، كوچه يه باخدي. بيري قاچيردي. بيري هاراي چكيردي. اوشاقلار اويناييرديلار. قونشو قادين لار ايسه تره سئچيرديلر، آمما ائلاي كدر ايچينده بوغولوردو. اورك سؤزون هئچ كيمسه يه آچيقلايا بيلمه ديگي اوچون داها چوخ عذاب چكيردي. آخشام يولدايدي و بير آزدان شهري آلتينا آلاجاغييدي. گونش كؤچمك دوروموندايدي. ائلاي پنجره قيراغيندان بيلگي سايار يانينا گئتدي. بيلگي سايارين يانديريب، اينتئرنئته گيردي. بيليم يوردوندا اولان ان صميمي يولداشي چت اوتاغيندايدي. سئوينيب اونلا چتلشمه يه باشلادي. اورگينده قالديغي آغريني اسمره آنلاتماق اوچون چابا گؤسته ريردي. هارادان و نئجه آنلاتما سينا قالميشدي.
اسمر ائلاي-ين نه دئيه جه گينه ماراقلانميشدي، آمما ائلاي اوتانيردي. ائلاي آغلاماق آيكونونو ووروب آرديجا «من عاشيق اولموشام» يازدي! اسمر ايسه دالبادال گولمك آيكونلارين صحيفه يه دوزدو. ائلاي راحاتسيز اولوب، « اسمر، گولمه! بورادا قيزين، اوغلانا عاشيق اولماسينين چتينليك لريني بيليرسنمي؟» يازدي. من قونشوموز اوغلو آيدين-ا عاشيق اولموشام، امما دئمك اولارمي؟
يازيق اولموشام. دارما- داغين قالميشام. اورگيمي پارتلاتميشام. جانيما آغري سالميشام. اوغلانلار عاشيق اولاندا، قيزلارا دئيه بيليرلر، آمما من نئجه دئييم و اورگيمي نه ته هر دينجلديم؟! مين جوره آد قويارلار!!
كاش عاشيق اولماسايديم! ... كاش!! ...
يازان: حسين واحدي
احمد شاه-ين اورمويا گلمه سي
قاجار شاهي « احمد شاه»-ين اورمودان گؤروشو
چاغ: قاجارين سونلاري
şəkilin yüksək necəlikdə izliyi
http://s2.picofile.com/file/7153243866/DSC00182.gif
گؤزل اورمو
گؤزل اورمو
اورمو دئينده يام- ياشيل باغلار گؤز اؤنونده سيرالانيرلار، گؤزلليك لر گؤسته ريشه چيخيرلار، اورمو آدي گلنده دوزلو اورمو گؤلو آني لارا گلير، گونشين دوغماسي و يايدا اوزمك. اورمودان سؤز آچاندا آذربايجان يئني بير جان تاپير، چون كاظيم خان لار اونون آرخاسيندا دايانيب لار، حئيدرخان لار ايسه دؤرد نال آت چاپيرلار، ياغي لار اوتانيب قاچيرلار، اورمو آدي ديلده سسلننده باكري لر اؤنه چيخيرلار، دوشمن لر ايسه باجادان يوخ اولورلار، اورمو آدي، صفي الدين اورموي ني يوخلايير و آشيق فرهادلار سازلاري ايله گؤزل ماهني لار چاليب اوخويورلار، اوخومالاريندا كور اوغلولاري چنلي بئلده آذربايجان اوغروندا دوشمن اؤنونده ساواشا چاغيريرلار، اورمو بو اولو آدي خاطيرلاياندا، بوتون آذربايجان دينجه لير، هامي اورمويا گؤوه نير، اورمو آدي شيرين تورك ديليني و او ديلده دئييلن لاي- لاي لاري قولاق لارا اوخودور و اورمو هله ياشايير، ياشادير و آذربايجانا جان وئرير...
زامانين دؤنوشو
زامانين دؤنوشو
يول اوزون، ماشين قوجا، من يورغون، آياغيمي گازا باسيب گئديم، تابلولاري ايزله ييرم و بير آندا، قاباقدا رستوران وار تابلو سونو گؤردوم، 2 كيلومتر گئدندن سونرا رستورانا يئتيشديم، لپ تاپيمي دا اؤزومله ايچه ري آپارديم، يئمك لرين ليسته سيني دووارا وورموشدولار و من اونلارين ايچيندن تورك كابابيني سئچديم!
ماسانين يانيندا اوتوروب يئمه ييمي گوزله ديم لپ تابيمي ماسانين اوستونه قويدوم و آچيب اينترنته گئتديم ، زاماني بيلمه دن يئمك ماسا اوستونه گلدي و يئمه يي ئييندن سونرا يئنه اينترنته قاييتديم، وبلاگيما باش چكديم، يئني يوروملاري بير- بير اوخودوم، يوروملارين بيرينده قيزيمين آديني گوردوم و ماراقلا يورومونو اوخوماغا باشلاديم قيزيم « آتا جان هارداسان؟ بير ازدا بيزي دوشون ساباح منيم دوغوم گونومدور سن من سئو سيدين ائوه دؤنه ردين» يازميشدي يورومونو اوخوياندان سونرا، گولوب، اينترنتدن چيخديم، حئساب- كيتابي وئريب يولوما دوشدوم. گؤزلرريم يورقونويدوف آمما گئجه يه كيمي ائوه يئتيشمه لييدم
و قيزيمين اوره يين اله آلمالييدم، ساعات گون اورتا دان سونرا 3:52 سوووشوردو قاباقدا بؤيوك تابلودا سورعتيزي آزالدين يول خارابدير يازميشدي، آياغيمي ترمز پدالينا آپاريب ماشيني ساخلاماق ايسته دييمده، پدال بوشا گئتدي، اؤنومده تيرئليلر وارييدي و من 140 سورعتله اونلارا توققو شاجايديم او آندا موبايليم زنگ چالدي، ائويمين نومره سييدي، تئلفونو آچديغيمدا، قيزيمين سه سييدي و من دوغوم گونون تبريك دئيه- دئيه زامان قورتولدو و هئچ نه يي بيلمه ديم...
قيزيمين سسيله يوخودان اويانديم و گوردوم ائوده ياتاقين اوستونده يم، ساعات 8 اولموشدو و هر نه يوخودا قالميشدي تئز تاريخي سوروشدوم و زاماني بيلدييمده قيزيمين دوغوم گونونو آنلاديم، زامان يئنيدن باشلانميشدي و عاييله مي سئويندرمه يه واختيم اولموشدو و تئز پول چانتامدان پول گوتوروب قيزيما وئرديم اوزوندن اؤپوب «قيزيم اوزون و بركتلي عؤمرون اولسون، دوغوم گونون قوتلو اولسون» دئديم و ياشاميين قدريني بيلمه يي دوشوندوم!
يازان: حسين واحدي
يورد
آنلاين آذربايجان كيتابلارين آل
رحيم شهرياري-دن يئني بير گؤزل و ائشيتملي آلبـــــــــوم
رحيم شهرياري-دن يئني بير گؤزل و ائشيتملي آلبـــــــــوم
آذربايجان موسيقي سي آخارلي و قالارگي قالماق اوچون آلبومون اورجينالين آلين
ماهني لاردان بيري سيناق اوچون سيزه سونولور:
Rahim Shahriari -Yavash Yeri
Mp3 - 128 Kbps
Server
Rahim Shahriari -Yavash Yeri by TabrizKids.zip
قايناق
ياشلي لار؛ دونه نين گنج لري، بوگونون اونودولموشلاري
ياشلي لار؛ دونه نين گنج لري، بوگونون اونودولموشلاري
ايندي يه دك ياشلي لاري (سالمندان) دوشونموشوك مو؟ اونلارين ايستك لريني و احتياجلاريني بو گونكو ايمكانلارلا اويغونلاشديرميشيك مي؟ ياشلي لارا ده ير وئرمه يه نه قدر اؤنم (اهميت) وئرميشيك؟ ... و بونلارا تاي چوخ سورولار اولا بيلر، آمما جاواب لاري نه قدر منطق ليدير؟ خزل (مهر) آيينين دوققوزو ياشلي لار گونو آدلانيب، آمما كيم لر بو گوندن خبري وار و كيم لر بو گونه ده ير وئريب؟
ياشلي لار ايستر- ايسته مز هر بير توپلومون (جامعه نين) ده يرلي و تجروبه لي اينسانلاري ساييلير، دئمك اولار ياشلي لاريميز دونن ايله بوگون آراسيندا كؤرپو قوران و كولتوروموزو و ده يرلريميزي ساباح لارا داشييان (انتقال وئرن) ان ده يرلي وارليق لاريميزدير. بو اينسان لار عؤمورلرينين چوخونو توپلوما و اؤلكه يه قويدوقلاري اوچون عؤمورلرينين سونونا كيمي راحاتچيليق دا اولماق و ايستك لرينه ده ير وئريب اونلارا يئتيشمك حق لري واردير. اونلار بيزلري بو گونلره و گله جه يه حاضيرلاييب لار و گرك بيزده اونلارا دينج و راحات بير ياشاييش ياراداق، قويماياق بيرينه موحتاج اولسونلار. دؤؤلت ده بونلارا ده ير وئرمه ليدير و توپلومدا بونلار اوچون بعضي ايشلري ائتمه ليدير. اوتوبوس دا، خيياوان لاردا، پارك لاردا و... هر يئرده بونلار اوچون دينجلمك و راحاتجا گزمك ايمكانلاري قويماليدير. كئچميش لرده بير آغ ساققال آدام اوتوبوسا مينن ده گنج لر و اوشاق لار اؤز يئرلريني بو اينسانلارا وئررديرلر، آمما گئتديكجه بو گؤزل دب اؤز يئرين الدن وئرير و عاييله لر بو ده يرلي كولتوره ديققت ائتميرلر، چوخ گؤرونور بير آتا يوخسا آنا 10 ياشيندا اوشاغيني يانيندا اوتوردوب و بير ياشلي آدام اوتوبوسا ميننده اوشاغا اؤيرتمير، اينسان ياشلي يا حؤرمت ائتمه ليدير و بو حؤرمتي ساخلاماق اوچون يئرين ياشلي يا وئرمه ليدير، البته بو حق دن كئچمك دئييل و باتي (غرب) اؤلكه لري كيمي بيزيم ايسلامي اؤلكه ميزده بو قونو فرق ائلير و كوتله (مردم) بو ايشي بير سايغي و حؤرمت بيلير و بو ايش گرك هر يئرده قورونا و ساخلانيلا.
جامعه ده دؤولت و ميللت نه قدر ياشلي لارا ايمكانلار ياراتسا ائله بيل اؤزوموزون گله جه ييميزه ايشله ييرك، هئچ فيكيرلشميريك بير گونده بو دؤوران بيزه چاتاجاق دير و بيزده توپلومون ياشلي سي اولاجاييق و او زامان بعضي گؤرمه دييميز ايشلرين حسرتين چكه جه ييك! سانكي ياشام بويو گنج قالان كيمي ياشلي لارا يان گؤز له باخمامالييق و اونلاري ياشاميميزين آرتيق تيكه سي بيلمه مه لييك! بعضي اؤؤلاد لار بو ايشده يامان مهارت لري واردير و بير آز دينجلييه يئتيشنده ياشلي آتا- آنالاريني قوجالار ائوينه تاپشيريرلار، بعضي لري آياق لارين بوندان دا داها چوخ اوزالديب، اونلارين مال- مولك لرين اله كئچيرديب بيله لرينه زحمت چكيب بؤيودوب بورا يئتيرديك لري اينسان لاري ائودن ائشيگه آتيب هئچ بير ذره ده آتا- آنا لاريني دوشونمه ييرلر.
ياشلي ليك دا، اوشاق ليق و گنج ليك دؤورانينا تاي بير عؤمور سيراسي دير و او بيري دؤوره لرين ترسينه بو دؤوره ده انرژي و گوج دن خبر يوخدور و بدنين قووتي آزالير و بدن راحاتچيليق ايسته يير و بونو دوشونن هر كيمسه ياشلي لارا دينج بير ياشام حاضيرلاماليدير. بعضي ديققت سيزليك لره گؤره بعضن خيااوانلاردا و ايش يئرلرينده اوشاق لارين آتا- آنالاريندان صاحاب چيخماماسي اوچون ياشلي لار يئنيدن بو دؤوره ده ايشله ييرلر.
ياشلي ليق فقيرچيليك و يوخسول لوق لا بير يئرده اولماسي ياشلي اوچون زور بير دوروم ياراداجاق و ياشلي نين ياخين لاري و اوغول- اوشاق لاري بو دورومون يارانماسينا ايجازه وئرمه مه ليديرلر، يوخسا عؤمورون سون لاريني فلاكته دوغرو آپاراجاق دير.
ياشلي لارا نه لر ائده بيله ريك:
1. اونلار بيزلري اوشاق واختي قول- قانادلاري آلتينا توتوب بئجه ريب لر و بيزده اونلارا تاي بو ايشي ياشلي ليق دؤورانيندا گؤرمه لييك.
2. اونلارين ريفاه لاري اوچون ايمكانلار ياراتمالييق.
3. بو ياش قوروپونا فايدالي قانون لار يازمالييق.
4. ياشلي لارا حؤرمت ساخلماغي اوشاق لاريميزا اؤيرتمه لييك.
5. اونلارين بوش واخت لارينا ده ير وئريب، علاقه لري اولدوغو ايش لري ائتمك لرينه و گزمك لرينه يول آچمالييق.
6. ايشلريميزده اونلاريدا ساييب و اونلارين تجروبه لريندن يارالانمالييق.
7. جامعه ده راحاتجا گزيب، ائشيگه چيخماقلارينا ايمكانلار قويمالييق.
8. ايستيراحت واخت لاري اونلارين دينج بير يئرده ياشامالاريني دوشونمه لييك.
9. اؤنجه دن بو دؤوره يه حاضيرلانمالييق و پول و راحات ياشاييش اوچون واخت آييرمالييق.
10. اونلاردان ياشاماق اومودونو كسمه ييب، بيزيم يانيميزدا شن (شاد) بير ياشاييش كئچيرمه له رينه ايمكان وئرمه لييك...
بو قونودا چوخ سؤزلر دئمك اولار و هر كيمسه نين چئشيتلي باخيشي اولا بيلر، آنجاق بو قيسا يازيدا هدفيم بو عزيزلري خاطيرلاماق و اونلارا واخت آييرماغي گؤسترمك اييدي و اومود ائديرم بيزيم جامعه ميزده هئچ بير ياشلي اومودسوز و دينجسيز بير ياشامي اولماياجاق و گنج لر داها آرتيق بو اينسانلارا ده ير وئره جك لر. سونوندا دئمه لييم اونوتماياق ساباح بيزده ياشلي اولاجاييق و او گونون گليب يئتيشمه سينه حاضير اولمالييق.
يازان: حسين واحدي
آفتاب آذربايجان-ين 58-نجي ساييسي ياييلدي
حسنلي تپه سي
حسنلي تپه سي
غربي آذربايجاندا چوخلو تانينماميش و ده يرلي تاريخي اثرلر واردير. اونلاردان بيري اولان حسنلي تپه سي 6 مين ايل دوغوش (ميلاد) دان اؤنجه يه قاييدان تاريخي واردير. بو ده يرلي تاريخي اثر تكجه آذربايجان بؤلگه سينده يوخ، ايرانين باشا- باشيندا تايسيز بير اثر ساييلير. حسنلي تپه سي اورمو گؤلونون گونئي باتيسيندا (جنوب غرب-ينده) ياشيل ليق سولدوز يوردوندا يئرله شيب دير. بو تپه 7 كيلومئتر سولدوز شهريندن آراسي واردير. حسنلي آديني بو آددا اولان كندين ياپيشيغيندا اولماسيندان آليب دير. تپه نين قازينتي لاري 1313 دن باشلاندي. بو قازانتي لار اوزوندن بير نئچه ساخسي قاب ـ قاجاق چئشيتلي شكيل لرده تاپيلدي. 1336ـ دا بيليمسل (علمي) و تخصصي آختاريش لار بير ايرانلي- آمريكالي هيئت ين آختاريش ايله باشلاندي. بو آختاريش ايله قازينتي لاردا بوزوقلوق لارين (خرابه لرين) آلتيندان بير شهر- قالا تورپاق لار آلتيندان اوزه چيخدي. اوزمان لارين (متخصص لرين) دئديگينه گؤره بو شهر- قالا «ماننا» قومونا عاييد دير. بو ديكينتي نين، ائولرين و معبدلرين دووارلارينين تملي (پايه سي) داشدان دوزه ليب دير. دووارلارين اوستونده 40 سانتيمتر ليينده اوزوناسي، 23 سانتيمترليينده ائني و 14 سانتيمتر قالينليغيندا اولان كرپيج لر قويولوبدور.
حسنلي تپه سيندن 1313 –دن، 1358 نجي ايله كيمي، ايرانلي و آمريكالي آركولوق لارين آختارماسي نتيجه سينده چئشيتلي ساواش آراجلاري او جومله دن؛ قيلينج، خنجر، اوخ، دمير و بورونز جينسيندن اولان اوخ باشليق لاري، مينلجه ساخسي قاب- قاجاقلار، تاريخي، كولتورل و صنعت (هنر) باخيميندان ده يرلري اولان، سوموكدن، شوشه دن، دميردن، داشدان و ساخسي دان اولان شئي لر تاپيليب دير و ايران، آذربايجان، آمريكا، فرانسه و باشقا اؤلكه لرين موزه لرينده ساخلانيلير. حسنلي تپه سينين ان اؤنملي (مهم) تاپينتي سي و دونيادا و اسكي تانيمادا اؤزل (ويژه) و اؤنملي (مهم) يئر آلان شئي قيزيلدان اولان حسنلي قابي دير. بو قابين چكي سي 950 گرم ، اوزوناسي 21 سانتيمتر، قوطرو 25 سانتيمتر دير و آغيز چئوره سي 61 سانتيمتر دير. بو قيزلدان اولان قاب تئهرانين قديم ايران موزه سينده ساخلانيلير. بو قاب گؤزلري اؤزونه طرف چكن بير قاب دير و اوستونده چوخ اينجه ليك ايشلر آپاريليب دير و گؤركملي (مجلل) ايش لردن اوزاق قاليب دير. حسنلي تپه سيندن تاپيلان قيزيل قابين قديم ليغي 800 ايل مسيح دوغوشوندان اؤنه قاييدير. بو آدليم قابين بدنه سينده چوخلو اويولموش ناخيش لار واردير و بير حماسي داستاني دئمك ايمكاني اولا بيلر.
بو تپه دن آرتيق باشقا ده يرلي تپه لرده باتي (غربي) آذربايجاني توريزم باخيميندان اؤلكه ده بيرينجي يئرلرده اولماسينا ندن اولور و گرك مسئول لار و كوتله بو اثرلرين تانينماسيندا و اونلاري قوروماقدا دوزگون ايشلر ائتسينلر. توز- تورپاغي و دوماني حسنلي تپه سيندن گؤتوروب اونون يئرينه توريست و موسافير گتيرمه لييك و اورادا اولان كوتله نين (جماعتين) ايقتيصادينادا يارديم ائتمه ليييك. اومود ائديرم ياخين گله جك ده گؤزل غربي آذربايجان توريزم باخيميندان ايراندا بيرينجي يئره ال تاپاجاق دير.
حسين واحدي
***
اوخول لارين ايلك گونو!
اوخول لارين ايلك گونو!
چوخ چتين دير، اوخول لارين (مدرسه لرين) ايلك باشلانيش گونو! يئنه اوخول لار باشلانير و منيم آنا ديليم بو باشلانيشا دوروب باخماق دادير. اونون يئرينه داريخيرام. اودا اوتانير اوتوز بئش ميليون ديلي اولماقدان. دئيير: ندن بو اوتوز بئش ميليون منه ده ير وئرمه يير؟ مني اونودور. مني باشقا ديله دؤنده رير. ساييلاريمي باشقا ديلده دئيير. اوتانير مني قوللانماقدان. باشقالارينين دونونا گئيير. اوشاغينا باشقا ديل اؤيره دير. منيم اوخول لاردا دوروب باخماغيما اودا باخير، سسينده چيخارتمير.
بونلاري ائشيدنده اوره ييم سيخيلير. نه دئديييمه قالميشام. دوز دئيير، نه زامانا كيمي توركجه م اوخول لارين باشلاماغينا حسرت له باخاجاق؟!! ... ، ندن؟!!
يازان: حسين واحدي
